• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Elektron siqaretlərin yeni bəlası

Elektron siqaretlərin yeni bəlası

Siqaret çəkmək əleyhinə yaradılmış elektron siqaretlər sağlamlığa ağır ziyan vurur.

Gecce.az milli.az-a istinadən bildirir ki, elektron siqaretlər narkotiklərin qeyri-qanuni dövriyyəsinə yol açır.

Mütəxəssislər hesab edirlər ki, adi siqaretlər kimi, onların elektron variantı da marixuana və kokain kimi qadağan olunmuş vasitələrə aludəçilik riskini artırır.

Alimlər həmçinin qeyd edirlər ki, tütünün tərkibindəki bir çox toksik birləşmələri aradan qaldıran elektron siqaret eyni zamanda "təmiz nikotinə" güclü alışmaya səbəb olur.

Siçanlar üzərində aparılan tədqiqatlar göstərib ki, nikotin beynin biokimyasını dəyişir və kokainə kəskin tələbat yaradır.

İnsan üzərindəki sonrakı tədqiqatlar göstərdi ki, enyi hal insan orqanizmində də təkrarlanır: keçmiş siqaret aludəçiləri kokainə meyllənirlər.

Hesab edilir ki, elektron siqaret böyük "staja" malik siqaretçəkənlər arasında populyardır. Hazırda isə elektron siqaretin "pərəstişkarları" arasında yeniyetmə və gənclərin sayı artır.

Elektron siqaretlərin tarixi qədim deyil: 1963-cü ildə ABŞ-ın Pensilvaniya ştatının Biver Fols şəhərinin sakini Herbert Gilbert "tüstüsüz tütünsüz siqaret"ə patent aldığı vaxtdan başlayır.

Onun kəşf etdiyi cihaz nikotin məhlulunu buxar halına gələnədək ehtiyatla qızdırır, yanan tənbəki və kağızın tüstüsünü əvəz edirdi.

Xəbər lenti

DAHA ÇOX XƏBƏR