Artıq çəkili qadınlar daha çox xərçəngə tutulur

Artıq çəki ciddi şəkildə xərçəng xəstəliyi riskini artırır.

Publika.az-ın məlumatına görə, bu barədə Ümumdünya Səhiyyə Təşkilatının araşdırmalar üzrə mərkəzlərindən biri olan Beynəlxalq Xərçəng Araşdırmalar Mərkəzinın hesabatında bildirilir.

Hesabata görə, paraılan araşdırmalar zamanı məlum olub ki, dünya üzrə bu xəstəliyin 3.6 faiz piylənmə səbəbindən əmələ gəldiyi məlum olub. Araşdırmaya görə, artıq çəkili qadınlarda xərçəng xəstəliyi kişilərlə müqayisədə 2.5 dəfə artıq müşahidə edilir.

Alim Melina Arnold artıq çəkinin müxtəlif mexanizmlərinin xərçəngə səbəb olduğunu deyir. “Məsələn, döş xərçəngi. Biz bilirik ki, buna səbəb əsasən piy toxumalarının ifraz etdiyi hormonlardır. Həmin hormonlar xərçəng əmələ gətirir”. - mütəxəssis əlavə edib.

Arnoldun dediyinə görə, araşdırmalar zamanı 90 000-ə yaxın kişidə bağırsaq və böyrək xərçəngi aşkar edilib. Qida borusunda və udlaqda xərçəng isə ən geniş yayılan xəstəlikdir və əsasən ağır çəkili kişilərdə müşahidə olunur: “Buna səbəb əsasən mədə turşuluğunun artıq olmasıdır və belə hallar piylənmə olan insanlarda qeydə alınır.”

Beynəlxalq Xərçəng Araşdırmaları Mərkəzinın araşdırması piylənmənin xərçəng xəstəliyi ilə əlaqəsi olduğunu göstərən ilk tədqiqatdır. Yeni xərçəng xəstəlikləri çox hallarda inkişaf etmış ölkələrdə aşkar edilib. Səhraaltı Afrikada 7 300, yəni 1.3 faiz olduğu halda, Şimali Amerikada 23 faiz olub.

Alimlər artıq çəkinin problemə çevrildiyini və bu problemin gələcək 10 illə 20 il arasında xərçəngin sayını artıracağını proqnozlaşdırır.