Baş ağrılarını necə kəsmək olar?

Qış mövsümündə baş ağrıları daha çox olur. Bunun qarşısını almaq üçün ağrıkəsicilərdən istifadə edirik. Lakin ağrıkəsici dərmanlardan bir ayda 15 dəfədən çox istifadə etmək olmaz.

İngiltərə Sağlamlıq və Kliniki Mükəmməllik universitetinin apardığı təcrübə sayəsində bəlli olub ki, bir ayda 15 dəfədən çox istifadə olunan ağrıkəsicilər insanlarda mənfi təsir yaradır. Bu halda baş ağrıları daha da şiddətlənir.

Mütəxəssislər qeyd edirlər ki, bu dərmanlardan qaydasında istifadə edilərsə, miqren və şiddətli baş ağrılarının qarşısı alınır. Lakin həddindən çox istifadə davamlı olaraq baş ağrılarının yaranmasına səbəb olur. Bu dərmanlardan çox istifadə etmək başqa xəstəliklərin də yaranmasına gətirib çıxara bilər. Bu vəziyyətdə yəni, dərmanlardan asılı olan insanlar həkimə müraicət etməli və ağrıkəsicilərin istifadəsini dayandırmalıdır.

Qeyd edək ki, İngiltərədə 10 milyondan çox insan davamlı olaraq və ya da tez-tez baş ağrısı yaşayır. Miqren ağrıları ölkədə hər gün 100 min insanın işə və ya dərsə gedə bilməməsinə səbəb olur.(tabloid.az)