Qadın gözəlliyinin qorunmasında masajın faydaları

Masaj rahatlaşmaq ehtiyacı duyan və yorğunluğunu atmaq istəyən hər kəsin ağlına gələn ilk alternativdir. Masaj həm də bədən üçün bir neçə dəqiqəlik xoşbəxtlik deməkdir. Ağrıyan kürək, boyun və sıxılmış əzələlər üçün, yəqin ki, masajdan daha gözəl hədiyyə ola bilməz. Masaj bir müddətə də olsa, dünyadakı bütün stress və gərginliyi uzaqlaşdıran fiziki, zehni və ruhi təmizlənmə, rahatlıq fasiləsidir.

Publika.az masaj haqqında maraqlı məlumatları təqdim edir:

Masaj 45-70 dəqiqəyə yaxın edilməlidir. Masaj həm müalicə məqsədilə, həm də bədəni rahatlaşdırmaq üçün edilir. Sığallamaq, ovmaq, yoğurmaq, titrətmə kimi rahatladıcı texnikalarla edilən masaj müalicə məqsədi ilə deyil, əzələlərin sakitləşməsi, zehni və ruhi baxımdan istirahət, stressdən çıxmaq və sadəcə kef məqsədli həyata keçirilir.

Masajın tarixi:

Masajın tarixi az qala insanlıq tarixi qədər qədimdir. Qədim Çin, Misir, Yunan və Hind mədəniyyətlərində masaj yaraları sağaltmaq məqsədi ilə edilirmiş. Qədim Yunanıstanda "massein" sözü yoğurma mənasında işlənib, ərəb dilində isə "masah" sözü sığallamaq mənasını verir.

Olimpiya oyunları zamanı idmançıların əzələlərini boşaltmaq, onları sakitləşdirmək məqsədilə masaj edilirdi. Hind fəlsəfəsində isə masaj sağlamlığı tapmaq və qorumaq məqsədi ilə tətbiq olunub.

XVIII əsrdə isveçli Per Henrik Link adlı bir nəfər tərəfindən masaj Avropada geniş yayılır və beləliklə, sığallama, titrətmə, vurma və s. kimi texnikalardan ibarət olan rahatladıcı İsveç masajı yaranır.

I Dünya müharibəsi illərində isə masaj daha çox zehni narahatlıqları aradan qaldırmaq məqsədi ilə istifadə edilirdi.

Masajın faydaları

İmmunitet sistemini gücləndirir;

Qan dövranını tənzimləyir;

Metabolizmi sürətləndirir;

Həzm və ifrazat sistemini yaxşılaşdırır;

Yağ yandırılmasını sürətləndirir;

Şiş ölçüsünü azaldır;

Əzələləri boşaldır;

Yuxu rejimini yaxşlaşdırır;

Stress və yorğunluğu aradan qaldırır, ruhu cəhətdən insanı sakitləşdirir.

Qocalmağı gecikdirir, hüceyrə yenilənməsini sürətləndirir.

Orqanizmdə toplanan toksinlərin atılmasını təmin edir.

Heç işləməyən əzələlərin işləməsi təmin edilir.

Sağlamlaşdırıcı masaj əvəzolunmaz və vacib prosedurdur. Bu yolla bir sıra xəstəliklərdən yaxa qurtarmaq və ya ən azından profilaktik tədbir görmək olar. Bu üsuldan bir sıra xəstəliklərdə istifadə olunur. Böyüklərlə yanaşı, uşaqlarda da masaj çox gözəl effekt verir. Bu, daha çox əzələlərin iş prinsipinə təsir edir. Orqanizmdə 400-dən çox əzələ var, onların hər birinin damar və sinir təchizatı mövcuddur. Ona görə də əzələlərin qısalması, ifliclər zamanı masaj mütləqdir. Mütəmadi olaraq boğazın masajı infarkt, insult, hipertoniya kimi xəstəliklərin yaranması riskini azladır. Əzələlərin masajı zamanı beyinə sakitləşdirici impulslar ötürülür və bu, arterial təzyiqi aşağı salır.

Masajla bağlı aparılan tədqiqatlarda məlum olub ki, boyun nahiyəsinin masajı zamanı əldə olunan effekt müvafiq dərman preparatlarının verdiyi effektə bərabərdir. Masaj növlərinin içərisində ən təsirli akva-masajın olduğunu nəzərə alsaq, əminliklə deyə bilərik ki, üzgüçülük bir çox ağır xəstəliklərin dərmanıdır.

Masajın bütün orqanlara birbaşa və dolayı təsirləri var.

Orqanların içində enerji axınlarının keçdiyi meridianlar mövcuddur. İnsan bədənin bütün orqanlarında toxumaları və hüceyrələri birləşdirən kanallar meridianlar adlı şəbəkədir.

Məsələn, mədə meridianı gözün xarici guşəsindən başlayır üz, boyun, sinə və ayaq boyu ayağın ikinci barmağına qədər uzanır. Özünüz barmaq ucları ilə bu nöqtələrə basaraq masaj etdikdə mədə mərkəzinə xəbərdarlıq olunur. Bu masaj texnikası beynin daha yaxşı işləməsini təmin edir və müvazinət gücünü artırır.

Toxumanın dərinliklərinə yüksək temperatur, ya da titrəyiş yayaraq yağların parçalanmasını təmin edir. Bu masajla parçalanan yağlar sidik yolu ilə atılır.

Qeyd: Masaj şüurlu şəkildə və peşəkarlar tərəfindən edilməlidir, əks halda sınıqlar əmələ gələ bilər.

Masaj düzgün tətbiq olunarsa, orqanizmin özünü sağaltma qabiliyyətini aktivləşdirir. Bədəni gümrahlaşdıran, dərini gözəlləşdirən, bədən formaya salan və özümüzü ecazkar hiss etməyimizi təmin edən bir üsuldur. Masajın təsiri bədəndə dalğa-dalğa yayılır. Əvvəl qan dövranını sürətlənir. Beləliklə, hüceyrələr daha yaxşı qidalanır. Qan dövranını artırdığı üçün bədəndən toksinləri və şişləri asanlıqla uzaqlaşdırır. Masaj əzələlərin elastikliyi artırır, oynaqlardakı ağrıları azaldır və hərəkət etmək qabiliyyətini inkişaf etdirir. Masajın yaratdığı fiziki və psixoloji yüngüllük özümüzü daha yaxşı hiss etməyimizi təmin edir.

Xanımlara xüsusi faydaları var:

Əlbəttə, masaj ruhi və fiziki baxımdan insanı rahatladır. Eyni zamanda, arıqlamaq üçün ən gözəl təbii üsuldur.

Masaj dərinin və əzələlərin dartılmasını və daha təravətli görünməsini təmin edir. Həftədə 3 gün 30-45 dəqiqəlik masaj etmək kollagen liflərin elastikliyini artırır. Dərinin qocalma prosesini gecikdirir.

Masaj arıqlamağa kömək etdiyi kimi, bir çox qadının əziyyət çəkdiyi sellülitin yaranmasının da qarşısını alır.

Yaxşı masaj bütün sellülit müalicələrindən daha təsirlidir. Əslində sellülit müalicəsi üçün istifadə edilən alətlərin hamısı masajı təqlid edir. Masaj edən insanın əl qabiliyyətinin qiyməti getdikcə bahalaşdığı, təbii olaraq yorulmaq ehtimalı yüksək olduğu üçün masaj alətləri təkmilləşdirilmişdir.

Sellülit toxuması pozulmuş yağ hüceyrəsidir. Qan və limfa dövranında çətinliklər nəticəsində su toplayan yağ hüceyrələri sərtləşir. Beləcə, normal yağ toxuması pozulur, portağal qabığı görünüşünü alır. Masaj qan və limfa dövranını düzəldərək sellülitin azalmasına yardımçı olur. Xüsusilə limfa drenaj masajları müəyyən nöqtələrə tətbiq olunan təzyiq sayəsində limfa dövranını daha fəal şəkildə sürətləndirirlər. Nəticədə yağ toxumasında hapsolan maye sərbəst qalır, hərəkətə gəlir. Qan dövranı sistemi artıq maye və digər toksinləri çeşidləyərək sidik və ya tər vasitəsilə bədəndən xaric olunmasını təmin edir. Beləliklə, orqanizm toxuması sıxlaşır. Yadınızda saxlayın ki, yaxşı sellülit masajından sonra sidiyə çıxma istəyinin olması normal haldır. Ətirli yağlar masajın təsirlərini daha da artırırlar. Bitki tərkiblərindən ibarət olan bu yağlar bədəni rahatladır və yağların parçalanmasına yardımçı olurlar.