Sağlamlıq

Diş ağrısını aradan qaldıran təbii vasitə

26 May 2015 11:30

Dişlərin xarab olmasının, qurd yeməsinin və çürüməsinin səbəbləri onların arasında yemək qalıqlarının yığılması, damağın, sinirlərin və dişin minasının zədələnməsidir. Keçmişdə dişləri təmizləmək üçün indiki kimi diş məcunları və digər vasitələr yox idi. Lakin onu əvəz edən təbii vasitələr hazırlanırdı. Publika.az-ın sağlamlıq bölməsi diş ağrısını aradan qaldıran və onu təmizləyən təbii üsulları təqdim edir.

Ərzaqlar:

1 stəkan bal

5-10 ədəd mixək

Bunları qarışdırıb bir bankada saxlayın. Çaya qarışdıraraq içə və ya diş ətinə sürtə bilərsiniz. Mixəyin tərkibindəki bir maddə keyləşdirici təsirə malikdir. Bu səbəbdən mixək müasir təbabətdən əvvəl də həkimlər tərəfindən çox tez-tez istifadə olunurdu. Bal isə diş ətinin sürətlə yaxşılaşmasını təmin edir. Həmçinin pis bakteriyaları ağız boşluğundan uzaqlaşdırır. Bu məhlul dişlərin xarab olmasını, bakteriyalarla dolmasının qarşısını alaraq minanı möhkəmləndirir. Bu üsul həm də dişləri ağardır.

Aytən