Son dəqiqə
NATO Rusiya və Azərbaycanla bağlı şok qərar qəbul etdi
NATO aprelin 1-də qərar verib ki, özünün Şərqi Avropadakı
müttəfiqləri ilə əlaqələri dərinləşdirsin.
Publika.Az xəbər verir ki, “Azadlıq Radiosu”nun "Şərqi Avropadakı
müttəfiqlər dedikdə Ermənistan, Azərbaycan və Moldovanı nəzərdə
tutursunuzmu" sualına NATO-nun baş katibi Andres Foq Rasmussen
"bəli" cavabını verib.
Rasmussen NATO xarici işlər nazirlərinin aprelin 1-də Brüsseldə
keçirilən toplantısında iştirak edib. Toplantıda qəbul edilən əsas
qərar o olub ki, alyans Krımı anneksiya edən Rusiya ilə əməkdaşlığı
dayandırsın.
Rasmussen Azadlıq Radiosunun sualına tam olaraq belə cavab verib:
"Bəli, Moldova, Ermənistan, Azərbaycanı nəzərdə tuturuq. Amma icazə
verin vurğulayım ki, bu, yeni bir şey deyil. Bizim bu üç müttəfiq
ölkə ilə onsuz da indiyəcən yaxşı oturuşmuş münasibətlərimiz olub.
Və biz əslində sentyabrda Uelsdə keçiriləcək sammiti hədəfləyərək
münasibətlərimizin dərinləşməsi yönündə xeyli vaxtdır ki
işləməkdəyik".
Rasmussen deyib ki, sözügedən ölkələrlə münasibətləri mövcud əməkdaşlıq çərçivələri daxilində dərinləşdirəcəklər. Bu da, onun sözlərinə görə, həmin ölkələrin müdafiə sahəsində islahatlarını dəstəkləmək üçün yardım kimi cari əməkdaşlığı nəzərdə tutur.
Xatırladaq ki, NATO Ukraynanın Krım bölgəsini anneksiya edən
Rusiya ilə praktiki, mülki və hərbi əməkdaşlığı dayandırıb.
Qərar NATO ölkələri xarici işlər nazirlərinin aprelin 1-də
Brüsseldə keçirilən görüşündə qəbul edilib.Amma nazirlər Rusiya ilə
siyasi dialoqun Rusiya-NATO şurası çərçivəsində davam
etdiriləcəyini bildiriblər.
Bu, yaranan situasiyadan çıxış yolu tapmaq üçün danışıqlar
imkanının saxlanması üçündür. Xarici işlər nazirləri Krımın
işğalını bir daha pisləyərək bunu “qanunsuz hərəkət”
adlandırıblar.
NATO-nun baş katibi xəbərdarlıq edib ki, Ukrayna böhranı
Avropada yeni ayırıcı xətlər yarada bilər.Onun sözlərinə görə,
Rusiyanın Ukrayna böhranı ilə bağlı gərginliyi azaltmaq üçün hər
hansı addımları atdığı müşahidə edilmir.
Rusiya Ukrayna ilə sərhədə 40 minə qədər əsgər cəmləyib.Martın
31-də rus qoşunlarının bir hissəsinin oradan çıxarılacağı xəbəri
yayılsa da, NATO hər hansı dəyişiklik hiss etmədiyini deyir.
Bundan başqa NATO strateqlərinə tapşırılıb ki, yaxın həftələrdə
alyansın şərq sərhədlərini daha da möhkəmləndirmək, xüsusən şərqi
Avropa ölkələrində narahatlığa son qoymaq üçün əlavə müdafiə
tədbirləri görmək təkliflər hazırlasınlar.
Bu təkliflərdən biri Pribaltika ölkələrində hərbi bazalar yaradılması və oraya NATO qüvvələrinin yerləşdirilməsi ola bilər.
Aydəmir
-
MDB13:33
Simonyanın İspaniyadakı çıxışı Rusiyanı qəzəbləndirdi: Senatorlara göstəriş verildi
-
Qoroskop13:25
Gecə 03:48-də başladı: mayın 10-a qədər... - Astroloqdan şok xəbərdarlıq +
-
İdman12:36
Görün ulduz futbolçuların xanımları hansı peşələrdə çalışırmış - FOTOLAR
-
Magazin112:01
Cavanşir Məmmədova gələn müəmmalı zəng: son sözü bu olub
-
Sosial11:28
Sabah 31 dərəcə isti olacaq
-
Magazin111:01
Aktyor xalq artistinə belə cavab verdi: "Bu, onun başı üçün deyil"
-
Magazin110:31
Faiq Brillianta gözlənilməz sözlər dedi: "Allah bircə balasını..." - VİDEO
-
MDB10:21
FTX 5 ildir izləyirmiş: Generalın həbsinin detalları