Tabloid.az
“Kapellhaus”-da qeyri-adi Novruz şənliyi - FOTOLAR
Bu gün 1 saylı Psixiatriya Xəstəxanasının Reabilitasiya mərkəzinin pasientləri “Kapellhaus”-da Novruz bayramı münasibətilə konsert proqramı ilə çıxış ediblər. Tədbir Almaniya - Azərbaycan Mədəniyyət Birliyi və 1 saylı Psixiatriya Xəstəxanasının Reabilitasiya mərkəzinin təşkilatçılığı, Səhiyyə Nazirliyinin və Almaniya səfirliyinin dəstəyi ilə keçirilib.
Almaniya Federativ Respublikasının Azərbaycandakı səfiri Haydrun Tempel çıxış edərək Azərbaycan xalqını Novruz bayramı münasibətilə təbrik edib, bu cür tədbirlərin keçirilməsinin əhəmiyyətindən danışıb.
Tədbirdə 1 saylı Psixiatriya Xəstəxanasının rəhbəri Həsən Rəsulov çıxış edərək bu xeyriyyə tədbirini təşkil etməkdə dəstək olanlara təşəkkürünü bildirib, reabilitasiya mərkəzində müalicə alan insanların sağlamlığına qovuşmasında belə tədbirlərin mühüm rol oynadığını qeyd edib.
Bayram tədbirində 1 saylı Respublika Psixiatriya Xəstəxanasının Reabilitasiya mərkəzinin pasientləri musiqi alətlərində ifa edib, milli rəqslərlə çıxış edib, pantomima, müxtəlif filmlərdən fraqmentlər göstəriblər. Tədbirdə pasientlərin əl işləri və rəsmləri də nümayiş olunub. Qeyd olunub ki, müxtəlif səhnəciklərdə nümayiş olunan geyimlər də məhz bu insanların əl işləridir.
Rəngarəng görüntüləri ilə qonaqların marağını cəlb edən konsert proqramının hər bir nömrəsi alqışlarla qarşılanıb. Xeyriyyə məqsədi ilə keçirilən tədbir “Second Cup” firması tərəfindən dəstəklənib.
Nərgiz Liftiyeva
(Fotolar müəllifindir)
-
Sosial13:03
Sabah 25 dərəcə isti olacaq
-
Magazin112:31
Rəşad Dağlının oğluna görün nə hədiyyə etdilər - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia