Tabloid.az

Mustafa Sandalın bu günkü konsertindən - FOTOLAR

6 Aprel 2014 02:25

Dünən türkiyəli müğənni Mustafa Sandal Bakıda konsert verib.

Dünən türkiyəli müğənni Mustafa Sandal Bakıda konsert verib.

Heydər Əliyev Sarayında reallaşan konsertdə böyük çoşqu yaşanıb.

Türkiyədən gətirdiyi ansamblın müşayiəti ilə canlı ifalarını bir-birinə calayan Mustafa Sandalın konserti 2 hissədən ibarət olub. Tamaşaçıları ilə səmimi ünsiyyət quran müğənni ona gül verən hər bir pərəstişkarını öpərək təşəkkür edib. 19 il əvvəl Bakıda gəldiyini deyən Mustafa illər sonra yenidən azərbaycanlı tamaşaçılarının qarşısında olmaqdan böyük qürur duyduğunu söyləyib. Müğənni ifaları ilə yanaşı, zarafatları ilə də tamaşaçıları əyləndirə bilib. Mahnılar arasında kiçik mövzular haqqında söz açan Mustafa repertuarında yer alan ən sevilən mahnıları səsləndirib. “Araba” mahnısını oxuyarkən pərəstişkarlarının gurultulu alqışları ilə qarşılanan Mustafa bu sevgiyə layiq görüldüyü üçün çox xoşbəxt olduğunu deyib. O, səhnənin önündə şəkillərini çəkən fotoqrafı yanına dəvət edərək bütün zalın da görüntüsünün yer aldığı maraqlı foto çəkdirib.

Konsert müddətində müğənninin vokalisti azərbaycan dilində mahnı səsləndirib.

Xatırladaq ki, daha bir türkiyəli müğənni Bakıda konsert verəcək. İfaçı Gülşən mayın 25-də Heydər Əliyev Sarayında sevənlərinin qarşısına çıxacaq. /Axşam.az/