Tabloid.az
Heydər Əliyev Fondunun dəstəyi ilə beynəlxalq sərgi keçiriləcək
Mayın 30-da "Qala" Dövlət Tarix-Etnoqrafiya Qoruğunda ənənəvi "Qala festivalı" və "Tullantıdan sənətə" beynəlxalq sərgisinin açılış mərasimi keçiriləcək.
Həmin gün Qala Tarix-Etnoqrafiya Qoruğunun ərazisində
keçiriləcək festivala respublika üzrə orta ümumtəhsil və internat
məktəblərindən, uşaq evlərindən, qaçqın və məcburi köçkün
ailələrindən 3000-dək uşaq iştirak edəcək.
Heydər Əliyev Fondunun dəstəyi ilə 2010-cu ildən keçirilən festival
xalqımızın zəngin tarixi keçmişini və ənənələrini yaşatmaq, gənc
nəslə tanıtmaq və təbliğ etmək məqsədi daşıyır.
Festival çərçivəsində açıq səma altında istedadlı uşaqların əl
işləri nümayiş etdiriləcək, rəqs ansambllarının çıxışı olacaq,
müxtəlif interaktiv oyunlar təşkil ediləcək.
1 iyun-Uşaqların Beynəlxalq Müdafiə Günü ərəfəsində keçiriləcək
festivala Heydər Əliyev Fondunun təşəbbüsü ilə Pakistan, Bosniya və
Herseqovina, Rusiya Federasiyası və digər ölkələrdən də uşaqlar
dəvət edilib.
Qala qəsəbəsində mayın 30-da, həmçinin daha bir layihənin- III
beynəlxalq "Tullantıdan sənətə" sərgisinin açılış mərasimi
olacaq.
Heydər Əliyev Fondunun təşəbbüsü, "Təmiz Şəhər" Açıq Səhmdar
Cəmiyyətinin (ASC) təşkilatçılığı, IDEA (Ətraf Mühitin Mühafizəsi
Naminə Beynəlxalq Dialoq) İctimai Birliyi, "İçərişəhər" Dövlət
Tarix-Memarlıq Qoruğu İdarəsinin və "QGallery" incəsənət
qalereyasının dəstəyi ilə keçiriləcək sərgidə məişət
tullantılarından hazırlanan müxtəlif sənət nümunələri nümayiş
etdiriləcək. Sərgidə Azərbaycanla yanaşı, ABŞ, Avstraliya, Böyük
Britaniya, Niderland, İspaniya, Türkiyə, Çexiya, Kuba, Kolumbiya və
Yaponiyadan olan sənətkarların da əl işləri təqdim olunacaq.
Sərginin əsas məqsədi insanlara ətraf mühiti təmiz saxlamağın
vacibliyini aşılamaq, planetin ekoloji sağlamlığına qayğı ilə
yanaşmanı təbliğ etmək, insanları israfçılıqdan yayındırmaq və
onları lazımsız saydıqları əşyaları düşünmədən zibil qutularına
atmaq vərdişlərindən çəkindirməkdir.
Layihədə iştirak edən sənətkarlar istifadəyə yararsız hesab olunan
kağız, avtomobil hissələri, şüşə, dəmir qırıqları və digər
tullantılara ikinci həyat veriblər. Bununla da "lazımsız əşyalar
toplusu"dan hətta incəsənət əsərləri də düzəltməyin mümkün olduğunu
bir daha nümayiş etdiriblər.
Artıq 3-cü dəfə keçirilən bu beynəlxalq tədbirin Qala qəsəbəsində
təşkili isə təsadüfi deyil. Belə ki, 2010-cu ildən etibarən Heydər
Əliyev Fondunun təşəbbüsü ilə "Təmiz Şəhər" ASC Qala qəsəbəsində
tullantıların idarə olunması sisteminin müasir standartlara uyğun
qurulması üzrə "Təmiz Qala" pilot layihəsini həyata keçirir.
Layihənin məqsədi Qala qəsəbəsində tullantıların çeşidlənmiş
şəkildə toplanması, daşınması və təkrar emalını müasir şəkildə
təşkil etməkdir. Buna uyğun olaraq, tullantıların vaxtlı-vaxtında
toplanması və daşınması ilə yanaşı, onların əhali tərəfindən üzvi
və qeyri-üzvi tullantılar üzrə çeşidlənməsi üçün Qala qəsəbəsində
müxtəlif konteynerlər quraşdırılıb.
İyunun 3-dək davam edəcək sərgini izləmək istəyən hər bir kəsin
iştirakını təmin etmək məqsədi ilə İçərişəhərin Qoşa Qala
qapılarının önündən gündə iki dəfə (saat 12: 00 və 15: 00-da)
pulsuz avtobus turları təşkil olunacaq.
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi