Rəqsanə 4 min manata sırğa taxıb, türkmən prezidentiylə görüşə gedir-FOTOLAR

Tədbirlərin birində müğənni Rəqsanə İsmayılova fotokameramızın obyektivinə tuş gəlib.

Publika.Az bildirir ki, müğənninin döymələri üstünə döymə gələcək. Belə ki, sənətçi yenidən döymə həkk etdirmək istəyir. Bu barədə müğənni belə deyir:

“Döymələri sevirəm, davamı da gələcək. Sinəmə döydürəcəm, qolum da, əlimdə döymələr var. Övladlarımın baş hərflərini qoluma döydürmüşəm”.

Bahalı geyimlərə üstünlük verən müğənni, geyimləri haqqında bizə danışdı:

“ Ayaqqabılarımın 2 min manat qiyməti var, qulağım da olan sırğalar brend firmanındı, brilliant daşlarla zəngindir. Onun da 4 min manata yaxın qiyməti var. Paltarımı 2300 manata almışam. Üzüyümü özüm almamışam, həyat yoldaşım mənə hədiyyə edib. Keçən ildən mənə hədiyyə alıb”.

Həmçinin Rəqsanə İsmayılova bu yaxınlarda Türkmənistan prezidenti ilə görüşəcək. Novruz bayramında baş tutacaq görüş barəsində sənətçi belə söyləyir:

“Allah qoysa günümüz tam olaraq, aydın olmayıb. Prodüserim Anar Mədətov işbirliyinə başlayıb. Novruz bayramı ərəfəsində görüşəcəyik. Qismət olsa, duet belə oxuyarıq”.

Xatırladaq ki, Türkmənistan prezidenti Qurbanqulı Berdımuhəmmədov müğənninin “İnanımmı” mahnısını ifa etmişdi.

Elvin Elxan

Foto: Nuron