Tabloid.az

Müğənni Sevda - "Mən ərə getməmişəm" - Video

26 İyun 2014 19:45

Müğənni Sevda Sanaliyeva toyu olması ilə bağlı yayılan xəbərlərə sərt münasibət bildirib. Müğənni yazılı açıqlamasında qeyd edib ki, guya dünən axşam Bakıdakı restoranlardan birində ailə həyatı qurması haqqında deyilənlərin heç bir əsası yoxdu, ağ gəlinlik geyinməsi “Sus bakım” mahnısına klip çəkilişi ilə bağlıdır:

“Ötən gün “Sus bakım” adlı mahnıma klip çəkirdik, ağ gəlinlik geyinməyim bununla bağlıdır. Mən iki dəfə klip çəkilişində gəlinlik geynimişəm və jurnalistlər hər ikisində məni “ərə veriblər”. Əgər ailə həyatı qursam, toyum olsa bunu ictimayətdən niyə gizlədim, günah iş görürəm?”.

Müğənni əlavə edib ki, mediada yer alan belə xəbərlər onun ailə üzvülərini də narahat edir:

“Ailəm, xüsusən də anam narahat olur belə xəbərlərdən. Mən həmişə jurnalistlərə böyük hörmət bəsləmişəm. Dəyərli media nümayəndələrimizdən xahiş edirəm ki, belə xəbərlər yazıb yayımlayan zaman diqqətli olsunlar. Hamının şəxsi həyatı toxunulmazdır”.