Tabloid.az

Vəfa Zeynalova yenə erotik görüntülərindən danışdı - Video

24 İyul 2014 19:37

Ötən il ətrafında böyük qalmaqal yaşanan “İlahi məxluq” filmi ilə bağlı söhbətlər yenidən gündəmə gəlib.

Tabloid.az xəbər verir ki, Vəfa Zeynalova 2011-ci ildə çəkildiyi filmlə bağlı bu dəfə Mətanət Əliverdiyevanın ATV telekanalında təqdim etdiyi “Gündəlik” verilişində danışıb.

“O ərəfədə danışılan söhbətlərə əhəmiyyət vermirdim. Ancaq ehtiyat etdiyim qızlarım idi. 16 yaşları var, amma onlara internetə girməyə icazə vermirəm. Hər övlad üçün ana dağdır. Mənim haqqımda yazılan xoşagəlməz şərhləri oxumalarını qətiyyən istəmirdim. Ailəmi qorumağa çalışırdım. Qızlarımın pis olmasından, valideynlərimin incidilməsindən narahat idim”.

Qeyd edək ki, 2011-ci ildə çəkilən “İlahi məxluq” filmi “Bizim kino” prodüser mərkəzinin istehsalıdır. Filmin ssenari müəllifi Yavər Rzayev, bəstəkarı Siyavuş Kərimidir. Mətbuatda isə filmin bəzi səhnələrini erotik adlandırmışdılar. Filmin baş qəhrəmanlarından biri, xalq artisti Nurəddin Mehdixanlı idi.