Tabloid.az

Səlim skripkasını nəyə dəyişdi? – FOTO

19 Avqust 2014 17:04

Skripkaçı Səlim müğənni kimi fəaliyyət göstərməsinə dırnaqarası baxanlara cavab verib.

Publika.az-ın məlumatına görə, Səlim buna hobbi kimi baxdığını deyib: “Əslində, mən oxumağa hobbi kimi baxıram. Dünyada tanınmış ifaçılar var ki, onlar da müğənni kimi özlərini sınayıblar. Mən hələ oxumamışdan əvvəl efirdə söyləmişdim ki, gələcəkdə mahnı da oxuya bilərəm, hər şey ola bilər. Bununla özümü sığortalamışdım. İlk dəfə Rıbakın “Eurovision”da oxuduğu mahnı ilə başladım. Amma indi özüm bəstələyib, özüm də oxuyuram. Çünki istəyirəm məni öz mahnılarıma görə tanısınlar”.

Səlim gələcəkdə mahnılarının ekran versiyasını da təqdim edəcək. O, yaxın vaxtlarda mahnılarından birinə klip çəkdirməyi düşünür.

Cəvahir Səlimqızı