Bakıda moda şousu keçiriləcək
Bizi izləyin

Tabloid.az

Bakıda moda şousu keçiriləcək

Sentyabrın 13-də “Baku Fashion Night-2014” möhtəşəm şousu keçiriləcək.

Tabloid.az xəbər verir ki, şoudan öncə təşkilatçılar və modelyer-dizaynerlərin iştirakı ilə jurnalistlər üçün mətbuat konfransı keçiriləcək.

Tədbirin təşkilatçıları “Excelsior Hotel Baku” və “Fashion model School by Lyubov Gutorova” model agentliyidir.

Mərasimdə Azərbaycan dizaynerləri Zümrüd Mirzəliyeva, Hökümə Hacıyeva, Günel Beybutova “Baku Fashion Night 2014” üçün xüsusi olaraq hazırladıqları yeni eksklüziv kolleksiyalarını nümayiş etdirəcəklər. Ukraynadan qonaq qismində olan dizayner Svetlana Dmitrenko öz “Cruise Collection” kolleksiyasını təqdim edəcək.

Nümayişdən əvvəl hər kolleksiya və dizayner haqqında qisa məlumat veriləcək. Dizaynerlərin kolleksiyaları 20-30 lukdan (paltarların sayı) ibarətdir.

Tədbir 2 hissəyə bölünəcək.

Birinci hissədə Zümrüd Mirzəliyevanın “Azerbaijan 2014”, “Pret -a- porter” və "Ziyafət geyimləri”, Hökümə Hacıyevanın “Payız - Qış 2014/2015” kolleksiyaları təqdim olunacaq.

Fasilə zamanı məşhur müğənni Diana Hacıyeva çıxış edəcək .

Tədbirin ikinci hissəsini dizayner Günel Beybutova öz “Payız - Qış 2014/2015” kolleksiyası ilə açacaq.

Tədbiri Ukraynadan gələn dizayner Svetlana Dmitrenko öz yeni “Cruise Collection” kolleksiyası ilə bağlayacaq.

Oxumağa davam et
Reklam
Reklam

Gündəm