Tabloid.az
Halal turizm nə deməkdir?
Son illərdə halal otellərin sayı sürətlə
artır.
Publika.az-ın türk mediasına istinadən məlumatına görə, Ərdoğan ilk
dəfə hakimiyyətə gələndə Türkiyədə cəmi 5 belə otel var imiş.
Türkiyə Turizm Nazirliyində belə otellərin sayına dair rəqəmlər
yoxdur, lakin müstəsna olaraq yalnız halal mehmanxanalara xidmət
göstərən bir şirkətin baş direktoru Ömer Solmaz deyir ki, indi
təxminən 50 halal otel fəaliyyət göstərir. Orda hər il əksəriyyəti
yerli olan 5 milyon turist istirahət edir.
Adenya otelinin sahibi İlknur Tataroğlu da deyir ki, qonaqlarının
əksəriyyəti yerlidir, lakin Ərəb ölkələrindən, Avropadan, Asiya və
Karib körfəzindən gələnlər də az deyil.
Müsəlmanların qlobal sayının 1, 6 milyard olduğu nəzərə alınarsa,
halal otel bazarı demək olar işlənməyib. Türkiyə, Malayziya,
İndoneziya və Mərakeş hazırda bu bazarın ən böyük
müştəriləridir.
Crescent Rating agentliyinin məlumatına görə bu bazarlın hazırkı
dəyəri 140 milyard dollardır və 2020-ci ilədək 193 milyard dollara
çatacaq.
Lakin Türkiyə müxalifəti bildirir ki, seqreqasiya olunmuş
çimərliklərin və halal otellərin artım meyli təkcə biznes məsələsi
deyil və bu, qismən də ölkənin islamlaşdırılması cəhdini nümayiş
etdirir.
Bu kimi debatlar Antalya şəhərinin meri burada yalnız qadınlar üçün
çimərliyi açarkən də qalxıb.
Açılış mərasimində şəhər meri Menderes Turel bildirib ki, əgər
əhəmiyyətli tələbat olarsa, seqreqasiyalı çimərliklərin sayı
artırılacaq. “Biz demokratik dəyərləri və azadlıqları qoruyuruq və
odur ki, hər kəslə eyni şəkildə rəftar etməliyik”, – deyə mer
bildirib.
Hakim Ədalət və İnkişaf Partiyasından millət vəkili Goksen Özdoğan
Enc deyir ki, məxsusi çimərliklər mühafizəkar qadınların azadlığına
dəstək olacaq və üstəlik, heç kim qarışıq çimərliklərin ləğvinə
çalışmır. Lakin müxalif millət vəkili Aylin Nazlıaka bildirib ki,
seqreqasiya “qadınları ictimai məkandan ayırıb kiçik həbsxanalara
salacaq”.
Dörd uşaqları ilə birlikdə Londonun şimalında yaşayan İqbal və
həyat yoldaşı Aişə bir həftə Türkiyənin cənubundakı Antalya
şəhərinin Adenya otelində istirahət ediblər.
“Biz İslam mədəniyyəti olan islami bir yerə getmək istəiyirdik.
Mərakeşdə, Dubayda, Misir və bu kimi başqa yerlərdə olmuşduq.
Məncə, Antalya İslam dünyasında ən yaxşı yerdir. Burada xüsusilə də
müsəlman qadınların sahildə istirahət etməsi və üzməsi üçün şərait
var”- deyə İqbal bildirir.
Yoldaşı Aişə də onunla razılaşır: “Narahat olmursan ki, kimsə sənin
fotonu çəkər və sonra da bu şəkil Facebook-da və ya hardasa başqa
bir yerdə görünər. Burada özünü tam sərbəst hiss edə bilərsən”.
Antalya ilk baxışdan minlərlə meyxanaları və klubları, yüz
kilometrlərlə uzanan və çimərlik paltarları geyinmiş kişi və
qadınlara qucaq açan sahilləri ilə islami bir istirahət yeri kimi
ağla gəlmir.
Lakin “islami turizm” konsepsiyası təkcə burada deyil, Türkiyə
boyunca bir çox başqa şəhərlərdə də inkişafdadır. “Halal tətil” –
yəni islami dəyərlərə uyğun olan çimərliklərdə istirahət təklif
edən otellərin sayı getdikcə artır.
Adenya da belə “halal otel”lərdən biridir və ona bu barədə rəsmi
şəhadətnaməni Malayziyada mənzillənmiş Dünya Halal İttifaqı
verib.
Binanın girişindəki mavi lövhədə otelin 5 ulduzu ilə yanaşı 7
aypara da əks olunub.
İçəri daxil olan kimi dəbdəbəli mərmər döşəmələr, naxışlı hovuzlar
və fəvvarələr adamı heyran edir.
Daha bir lövhənin üzərində isə “Qadın bölümü” sözləri yazılıb. Bura
daxil olmaq üçün təhlükəsizlikdən keçmək lazımdır.
Burada bir-birindən aralı və hamısı yalnız qadınlar üçün nəzərdə
tutulmuş beş üzgüçülük hovuz var.
Bura kamera və telefonla buraxmırlar. Bunun niyəsini içəridə olanda
başa düşürsən. Qadınlar saçlarını asıblar və musiqi ritmləri
altında göbək rəqsi edirlər.
Qadınların demək olar ki, hamısı çimərlik paltarındadırlar. Burada
burkinilərə yox, bikinilərə üstünlük verirlər, çünki burda
qadınların örtünməyinə ehtiyac yoxdur. Onlar əmindirlər ki, burada
onlara heç bir kişi gözü baxmır.
Qadınlar üçün sahil çimərliyi də mövcuddur və o da kişilərin
gözündən tamamilə pərdələnib.
Amma bütün otel bölümlərə ayrılmayıb. Ailə ilə birlikdə restoranda
bir masa arxasında şam edə bilərsən. Burada verilən yeməklər də
halal olmalıdır və alkoqollu içkilər qadağandır. /anspress.com/
-
Sosial22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin222:00
Sevgilisi məşhur aktrisanı döydü: "Aylarla..."
-
Sosial21:36
Daxili İşlər Nazirliyi əhaliyə ÇAĞIRIŞ ETDİ
-
İnanc21:24
Ramazanın 19-cu gününün duası - İmsak və iftar vaxtı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI