Tabloid.az

Aşıq Zülfiyyədən müğənnilərə şok ittiham: “Toy tutmaq üçün falçı yanına gedir”

11 Sentyabr 2014 12:19

“Bu gün müğənnilərin 80 faizi özlərinə toy tutmaq üçün falçı, görücü yanına gedirlər. Bunu əminliklə deyirəm. Elə buna görədir ki, onların qazandığı o qədər pulların hamısı kreditə gedir. Çünki halal pullar deyil”.

Publika.az-ın məlumatına görə, bu ittihamı Aşıq Zülfiyyə “Space” Televiziyasında yayımlanan “Oturduğumuz yerdə” verilişində irəli sürüb. Aşıq xanım xalq şairi Hüseyn Arifdən misal gətirərək, sözünə qüvvət verib: “Rəhmətlik Hüseyn Arif həmişə deyirdi ki, sözün düzünü ya aşıqdan soruş, ya da dəlləkdən. Çünki biz insanlarla çox ünsiyyətdə oluruq və çox şeydən xəbərimiz var”.

Zülfiyyə xanım falçı yanına yox, nə vaxtsa pirə getdiyini və bununla da uşağını xəstəlikdən xilas etdiyini də deyib: “Düzdür, məndə getmişəm elə yerlərə, amma uşağımın həyatı üçün. Oğlumun gecələr dili qatlanırdı, qorxurdu. Nə qədər həkimə getdik, kömək olmadı, axırda məcbur olub, pirə apardıq”.

Cəvahir Səlimqızı