Həmidə Ömərova, Ramiz Rövşən, Səməndər Rzayev açıq-saçıq filmdə - FOTOLAR - VİDEO

Son zamanlar bir neçə tamaşa və seriallarımızda açıq-saçıq hesab edilən səhnələr cəmiyyətdə birmənalı qarşılanmadı.

Əvvəlcə “Qatil” tamaşası həm mətbuatda, həm sosial şəbəkələrdə müzakirələrə səbəb oldu. Hətta işə Alim Qasımov da “qarışdırıldı”. Ardınca “Qız yükü” serialında oğlanın qızın yanında uzanması milli mentalitetə zidd addım kimi dəyərləndirildi. Amma sən demə, hələ 33 il bundan öncə çəkilmiş bir filmimizdə yetərincə açıq səhnələr varmış.

Yəqin ki, çoxlarınız “Babamızın babasının babası” filmində bu kadrları görməmisiniz. Görmüsünüzsə də, nadir hallarda hansısa telekanalda yayımlanarkən gözünüzə sataşıb. Amma quruluşçu rejissoru Ramiz Rövşən, ssenari müəllifi Tofiq Tağızadə olan filmin ilk kadrlarında yeniyetmə qız, demək olar ki, çılpaqdır. Bunu yazmaqla nə “Qız yükü”nə, nə də “Qatil”ə haqq qazandırırıq. Amma istənilən halda, bu cür görüntülər hələ sovet dönəmində də olub. Qeyd edək ki, filmdə Səməndər Rzayev, Həmidə Ömərova, Hamlet Qurbanov, Hüseynağa Sadıqov kimi sənətkarlar çəkilib. Həmin filmdən olan görüntüləri təqdim edirik.

İntiqam VALEHOĞLU