Gədəbəydə Simens qardaşları yad ediləcək
Bizi izləyin

Tabloid.az

Gədəbəydə Simens qardaşları yad ediləcək

Simens qardaşlarının Azərbaycanda fəaliyyətinin 150-ci ildönümü ilə bağlı Gədəbəy rayonunda bir sıra tədbirlərin keçirilməsi nəzərdə tutulub.

Mədəniyyət və Turizm Nazirliyindən Publika.az-a verilən məlumata görə oktyabrın 11-də Simens qardaşlarının fəaliyyətinin 150-ci ildönümünə həsr olunmuş konfransın və turizm marşrutları mövzusunda dair dəyirmi masanın keçirilməsi planlaşdırılır.

Eyni zamanda, tədbir çərçivəsində "Azərbaycanda Alman məskənlərı"və "Qədim Qafqaz Albaniyasının tarixi izləri" adlı mədəni turizm marşrutlarının təşviq olunması məqsədi ilə cari ilin 10-12 oktyabr tarixlərində turizm şirkətlərinin və kütləvi informasiya vasitələri nümayəndələrinin iştirakı ilə infotur keçiriləcək.

İnfoturun keçirilməsində məqsəd XIX əsrin əvvəllərində Azərbaycanın qərb bölgəsində məskunlaşmış almanların qoyduğu izləri "Azərbaycanda alman yaşayış məskənlərı", eləcə də "Qədim Qafqaz Albaniyasının tarixi izləri" mədəni turizm marşrutları vasitəsilə təşviq etmək, Azərbaycanın qərb bölgəsinin, həmçinin Gədəbəy rayonunun mövcud turizm potensialını təqdim etməkdir.

Oxumağa davam et
Reklam
Reklam

Gündəm