Tabloid.az

Tolik canlı yayımda Mətanətlə Xatunun paxırını açdı

29 Oktyabr 2014 10:44

Tanınmış prodüser Toliki özündən çıxardılar.

Publika.az-ın məlumatına görə, prodüser ATV-nin efirində yenicə start götürən “Nömrə 1” musiqi yarışmasında iştirak etməyə cəsarəti çatmayan müğənnilərin adlarını sadalayıb. Yarışmanın təşkilatçılarından sayılan prodüser efirdə həmin müğənnilərin paxırını açıb:

“Bir neçə müğənni var ki, biz onları yarışmaya dəvət etdik, amma qarşımızda elə şərtlər qoydular ki… Biri elə Mətanət Əsədova, gözəl səsi var, hətta onu Moskva toylarına aparmaq üçün mənə müraciətlər edirlər. Amma Mətanət elə qiymət deyir ki, toy yiyəsi o pulu tapmır. Sözüm onda yox. Amma Mətanətin də bir balaca reklama ehtiyacı var. Biz onu yarışmaya dəvət edəndə o, qarşımıza şərt qoydu ki, mən yalnız Alim Qasımovla yarışaram. Digər müğənni Xatun da yarışmaya qatılmadı. Xatun da gözəl ifaçıdır, amma nədənsə gəlmədi. Bəziləri də dedilər ki, Tolik ordadırsa, gəlmirik. Məndən qorxurlar. Başa düşə bilmirəm, mən adamyeyən-zadam bəyəm?”

Cəvahir