“Sehrli üzük” hazırlanır
Bizi izləyin

Tabloid.az

“Sehrli üzük” hazırlanır

Abdulla Şaiq adına Azərbaycan Dövlət Kukla Teatrında yeni tamaşanın məşqlərinə başlanılıb.

Publika.az xəbər verir ki, tamaşanı gənc rejissor Anar Məmmədov “Sehrli üzük” Azərbaycan xalq nağılı əsasında hazırlayır. Tamaşa ilin sonlarında balacaların ixtiyarına veriləcək.

Uşaqlara dostluq, sədaqət, dürüstlük, ədalət, insanlara inam kimi müsbət keyfiyyətlər aşılayan tamaşada xeyrin şər üzərindəki qələbəsi nümayiş olunacaq.

Özünün maraqlı süjet xətti və ideyası olan nağıl nümunəsinə yeni prizmadan baxan, onu çağdaş elementlərlə daha baxımlı etməyə çalışan rejissor tamaşaya yeni yozum verib. Beləcə, bütün mübarizələrin sonunda qələbənin mümkünlüyü uşaqların hiss edəcəyi tərzdə səhnə ifadəsini tapıb.

Uşaqlara qorxmazlıq və özünə inamı tərənnüm edən tamaşanın rəssamı İqbal Əliyev, bəstəkarı Rəşid Şəfəqdir.

Tamaşada rolları İqbal Əliyev, Cəmilə Allahverdiyeva, Elnur Xəlilov, Elmira Rəhimova, Cavid Telman oynayırlar.

İntiqam VALEHOĞLU

Oxumağa davam et
Reklam
Reklam

Gündəm