Faiq Ağayev: “Elə bir yerə gedəcəyəm ki, telefonumun şəbəkəsi tutmasın“
Bizi izləyin

Tabloid.az

Faiq Ağayev: “Elə bir yerə gedəcəyəm ki, telefonumun şəbəkəsi tutmasın“

Publika.Az-a açıqlama verən Faiq bəy, bunları deyib: ““İstəyirəm” adlı mahnısı üzərində çalışıram. Musiqisi və anajemanı Emin Kərimiyə, sözləri isə Ülviyyə Alovluya məxsusdur. Çox maraqlı yay hiti olacaq”.


Xalq artisti 1-2 aya xarici ölkələrin birinə səfər edərək orada ürəyi istədiyi kimi istirahət edəcəyini deyir. "Elə bir yerə gedəcəyəm ki, telefonumun şəbəkəsi orada tutmasın. Çünki işlərimə görə narahat edən çoxdur. Ancaq hələ ki, Azərbaycandayam. Xarici ölkəyə avqust ayında getməyi planlanşdırıram. Bir şey də söyləyim ki, insan, mövsümdən asılı olmayaraq hər zaman işləməli və halal yolla, alın təri ilə pul qazanmalıdır. Bir yerdə durmaq olmaz. İstirahət etmək də lazımdır. Çünki hər bir kəsin istirahət etmək hüququ vardır. Mən də həmin hüquqdan istifadə edəcəyəm”.

Faiq Ağayev şou-biznes əhlindən də söz açıb. O, həmkarlarına ismarıc göndərməyi də unutmayıb: “Zamanla hər şey həll olacaq və şou-biznesdə olan ifaçılar yaxşıca ələnəcək. Dəyərli müğənnilər də öz yerlərini tutacaq. Onu da deyim ki, hər şeyi tamaşaçı həll edir. Atalarımız düz söyləyib ki, “Hay-hayla gələn, vay-vayla gedər”, - deyə xalq artisti fikirlərini tamamlayıb.

Publika.Az

Oxumağa davam et
Reklam
Reklam

Gündəm