Tabloid.az
Polad Bülbüloğlunun çəkildiyi film Rusiyada üzə çıxdı – FOTO
Rusiya paytaxtında “Qorxma, mən səninləyəm! 1919” filminin təqdimat mərasimi keçirilib.
Publika.az-ın məlumatına görə, paytaxtın “Puşkin” kinoteatrında keçirilən mərasimdə Rusiya və Azərbaycanın tanınmış siyasət və mədəniyyət xadimləri, Ümumrusiya Azərbaycan Konqresinin, Azərbaycanın Rusiyadakı səfirliyinin və Heydər Əliyev Fondunun nümayəndələri iştirak ediblər.
Tədbiri giriş sözü ilə açan filmin rejissoru Yuli Qusman ekran
əsərində 1919-cu ildə baş verən hadisələrin əks olunduğunu
söyləyib: “Yeni filmdəki hadisələr ilk filmdə baş verən
hadisələrdən 20 il sonrakı dövrü təsvir edir. Mən Azərbaycan
prezidentinə, Heydər Əliyev Fonduna, doğma vətənim Azərbaycandan
olan bütün dostlarıma təşəkkürümü bildirmək istəyirəm”.
Filmin çəkiliş qrupunu təqdim edən Y. Qusman çəkiliş zamanı
Rusiyanın bir çox tanınmış kinematoqrafçılarının Azərbaycanda
olduğunu qeyd edib: “Onların bəziləri işin çoxluğundan çətinliklə
gəlməyə razılıq versələr də, indi Azərbaycana bir daha getməyi arzu
edirlər”.
Azərbaycanın Rusiyadakı səfiri, filmin bəstəkarı və baş rolun
ifaçılarından biri Polad Bülbüloğlu isə filmin çəkiliş qrupunun
təqdimat mərasimini məhz 17 noyabr tarixində, Azərbaycanın Milli
Dirçəliş günündə keçirilməsinə qərar verdiyini söyləyib. “Qorxma,
mən səninləyəm! 1919” filmi haqqında danışan P. Bülbüloğlu bildirib
ki, bu film 1981-ci ildə çəkilən kinolentin davamı deyil: “Bəli,
iştirakçılar da, rejissor da eynidir. Lakin bu, başqa bir tarixdir.
Vaxt gələcək, bu iki film bir-birini tamamlayacaq”.
Səfir Heydər Əliyev Fondunun prezidenti Mehriban Əliyevaya,
Azərbaycan Respublikası Mədəniyyət və Turizm Nazirliyinə, Cəfər
Cabbarlı adına “Azərbaycanfilm” kinostudiyasına göstərilən köməyə
görə təşəkkürünü bildirib.
Filmin prodüseri, “Vayt Media” şirkətinin rəhbəri Timur Vaynşteyn
isə noyabrın 20-dən etibarən “Qorxma, mən səninləyəm! 1919”
filminin Rusiyada kinoprokata çıxacağını söyləyib.
Öz növbəsində TASS İnformasiya Agentliyinin baş direktor müavini
Mixail Qusman çıxışı zamanı filmin yaradıcılarını təbrik edib:
“Filmin Bakıda isti qəbul olunmasına çox şad oldum. Çox ümid etmək
istəyirəm ki, Moskvada da belə olacaq. Bu gün tamaşaçılar arasında
çoxlu bakılılar var. Filmin təqdimatı bizim hamımızın bir yerə
toplaşması üçün gözəl bəhanədir”.
Qeyd edək ki, film C. Cabbarlı adına "Azərbaycanfilm" kinostudiyası
və Rusiyanın "Vayt Media" kinoşirkəti ilə birgə istehsal olunub.
Yeni ekran əsərinin ssenari müəllifi və rejissoru Yuli Qusman,
operatoru Vadim Alisov, quruluşçu rəssamları Rafiq Nəsirov, Viktor
Nikonenko, Tahir Tahirov, prodüserləri Müşfiq Hətəmov və Timur
Vaynşteyndir.
"Qorxma, mən səninləyəm. 1919" filmində Polad Bülbüloğlu, həmçinin
rusiyalı aktyorlardan Lev Durov, Muxtarbek Kantemirov, Mixail
Yefremov, Edqar Zapaşnı, Vladimir Dolinski, Yuri Kobaladze, eləcə
də yerli aktyorlardan Kristina Güləliyeva, Eldar Qasımov, Həmidə
Ömərova, Məbud Məhərrəmov, Teymur Bədəlbəyli, Zaur Şəfiyev, Bəhram
Bağırzadə, Nuriyə Əhmədova və Rövşən Əsgərov çəkiliblər.
Cəvahir
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye