Tabloid.az
Əşrəf Dərya: “Hüseyni məhv edənlər məni də narkoman etmək istəyirlər”- FOTOLAR
Çoxları onu mərhum Hüseyn Dəryanın dünyasını dəyişdiyi ərəfədə, daha dəqiq desək, məşhur repçinin vəfatından sonra tanıdı.
Həmçinin də mən. Hətta onu Hüseynin adından istifadə edib məşhurlaşmaqda qınayanlar da oldu. Ancaq istənilən halda, bu gün Azərbaycan repinin əfsanəsinin sənət yadigarı kimi hər kəs məhz Əşrəf Dəryanı tanıyır. Gənc repçi Publika.az-a müsahibəsində bir sıra maraqlı mətləblərə toxunub...
- Əşrəf, bir ara efirlərdə göründün, müəyyən işlər
gördün. Amma son zamanlar kənara çəkilmisən. Bu nə ilə
bağlıdır?
- Efirlərə çıxanda maddi durumum pis deyildi, dolana bilirdim. İndi
maddi sıxıntılarım var. Səsyazma studiyalarının qiyməti nə qədər
münasib olsa da, maddi baxımdan çatdırmaq olmur. Mənim işim yazıb
deməkdən ibarətdirsə və təzə heç nə yazmıramsa, efirə necə
çıxım?
- Sosial şəbəkədə yazmışdın ki, bu sahədən uzaqlaşmaq
istəyirsən. Doğrudanmı, vəziyyət bu qədər kritikdir?
-Yox, orada söhbət maddiyyatdan getmirdi. Bilirsiniz necədir? Bir
var rəqib canavar kimi olsun, onunla ürəklə vuruşaram və o savaşdan
həzz alaram. Bir də var ki, kişisi qadın kimi cırmaq atsın, qadını
kişi kimi “torba tiksin”. Mən onların ucbatından kənara çəkilmək
istəyirdim.
- Söhbət sənət adamlarından gedir?
- Əlbəttə.
- Sırf rep aləmindən?
-Yox, ümumiyyətlə. Ətrafımda mənə əməlli-başlı “torba”lar
hazırlanırdı. Mən də istədim kişi kimi vuruşum. Onlardan kişi
çıxmadı deyə, sənətlə vidalaşmaq istəyirdim. Nə etməliydim?
- Həmin “torbalar” nədən ibarət idi?
- Məni pis vəziyyətə salmaq istəyirdilər.
- Nə mənada?
- Məsələn, olmayan şeyləri danışırdılar. Guya ki, o sözləri məndən
eşidiblər.
- Söhbət hansı şayiələrdən gedir? Mümkünsə, bir az açıq
danış.
- Çox şayiələr olub. Mən sənət adamıyam, sən yazırsan, mən də sənə
cavab verirəm. Bundan istifadə edib, gedib orada-burada şayiə
buraxırlar. Öz yazdığını silir, mənim yazdığımı saxlayırlar. Sonra
deyir ki, baxın, Əşrəf mənə yalvarır.
- Çox güman ki, bunu edən qadınlardır.
- Onların arasında oğlanlar da az deyil. Sənət aləmindən olmayan
insanlar da belə edirlər.
- Şəxsən mən səni Hüseyn Dərya rəhmətə gedəndən sonra
tanımışam. Həmin ərəfədə Dəryanın tələbəsi kimi təqdim olunmağın
insanları bir qədər qıcıqlandırdı. Hətta sənin Hüseynin adıyla
reklam olunduğunu deyənlər də az deyildi...
- Elə sözləri mən də çox eşitmişəm.
- Bəs bu iddialara münasibətin necədir?
- Dəfələrlə bu suallara cavab vermişəm. Ustadımı yaxşı tanıyanlar
bilir ki, o, mənim efirə çıxmağıma imkan vermirdi. Məni tanınmağa
qoymurdu. Hər dəfə deyirdim ki, qoy çıxım oxuyum da, yaxşı
bacararam. O, deyirdi ki, gözlə.
- Səbəb nə idi?
- Deyirdi ki, öyrən. Mən səni onunçun hazırlamıram ki, efirə çıxıb,
şıllaq atasan. Ona görə hazırlayıram ki, məndən sonra bu yolu davam
etdirəsən.
- Əşrəf, çoxları deyir ki, Azərbaycan repi Hüseyn Dərya
ilə “öldü”. Razısan?
- Məncə, elə deyil. Əgər o, məni davamçısı kimi hazırlayıbsa,
Azərbaycan repi necə ölə bilər? Sadəcə, onun kimi olmaq mümkün
deyil.
- Səncə, Hüseyn Dərya Azərbaycan repinin zirvəsi idi,
yoxsa ondan da güclüləri var idi?
- Çox gözəl sualdır. Nə qədər əsəbi və sıxıntılı insan olsam da,
vətənimi sevirəm, vətənpərvərəm. Bu baxımdan ustadım mənimçün
nümunədir. O, repi elə milliləşdirib deyirdi ki, elə bilirdin, rep
Azərbaycanda yaranıb. Ona görə də nəinki Azərbaycanda, dünyada,
həyatımda ən sevdiyim sənətçi, əfsanə Hüseyn Dərya idi. Mənimçün
ondan güclüsü yoxdur.
- Ailəsi ilə münasibətin var?
- Münasibət yaxşıdır.
- Hər iki xanımı və övladları ilə də?
- Hər iki övladı və xanımları ilə də münasibətim əladır.
- Kömək edə bilirsən onlara?
- Maddi kömək etməyə imkanım yoxdur. Amma mənəvi baxımdan hər zaman
yanlarındayam.
- Toylarda nadir hallarda repə yer verilir, albom, disk
satışından da gəlir yoxdur. Bəs necə dolanırsan?
- Yaxşı reper olsan, elə toydan da qazanacaqsan. Repimiz milliləşib
və 6-8 ritmində də deyilir. Ona görə toylarda da repə rast gəlmək
mümkündür. Amma ümumilikdə repçinin ən yaxşı gəlir yeri
konsertdir.
- Konsert vermək fikrin var?
- Yox, çünki ustadımın ili çıxmayıb. Amma ondan sonra ilk böyük
konsertimi verəcəyəm. Hüseyn Dəryadan sonra repçilər arasında ən
böyük solo konsert mənim olacaq.
- Son dəfə nə vaxt Hüseynin qəbrini ziyarət
etmisən?
- Srağagün. Mən həftədə dörd dəfə mən onun ziyarətinə gedirəm.
- Hüseyn Dərya da bir zamanlar yaxın bildiyi insanların
tələsinə düşdü, narkotikə qurşandı və sair. Hiss edirsənmi ki, sənə
qarşı da belə cəhdlər var?
- Hiss etmirəm e, görürəm.
- Sənə də narkotik təklif edirlər?
- Əlbəttə, həddən artıq çox.
- Nə deyirlər?
- Açıq-aşkar deyirlər ki, narahat olma, bunun ləzzəti başqadır,
“kayfı” zordu. Qız təklif edirlər...Amma o barədə də gözütoxam.
Həyatımda sevdiyim bir insan var. O, mənə bəsdir. Mən içki
içmirəmsə, narkotiki necə qəbul edə bilərəm?
- Deməli, burada məqsəd təkcə səni yox, həm də onun
yolunu məhv etməkdir. Düz başa düşdüm?
- Ay sağ ol. Axır ki, məni düzgün başa düşən insan gördüm. Çox sağ
ol. Bunu heç kim həzm etmir. Söhbət məni məhv etməkdən getmir.
Mənimlə bir yerdə bu yolu, bu adı öldürməyə çalışırlar.
- Bir vaxtlar onun da rəqibləri var idi və bu rəqiblərlə münasibət hətta düşmənçilik səviyyəsinə qədər gedib çıxmışdı. Həmin insanlara münasibətin necədir?
- Elşad Xose bir ara mənə söz atdı. Elə bildi ki, mənimlə də gündəmə gələcək. Amma elə şey yoxdur. Heç mən onu bu baxımdan saymadım. “Dəyirman”la münasibətim sıfırdı. Anar Nağılbaz vaxtilə Hüseynlə rəqib olub. Amma rəqiblikdən əvvəl ustadımla işbirliyi qurublar, iş görüblər. Yəni, münasibətləri sonradan pisləşib. Bunların heç birinə baxmayaraq, sonucda mənim ustadımın xoşuna gəlməyənləri mən qəti bəyənmirəm. Ona düşmən olan mənə düşməndir və barışıq qəbul etmirəm. Halallığı Hüseyndən almalıydılar ki, dünyasını dəyişəndə onlara düşmən kimi getməyəydi.
- Danışdıqlarından belə məlum olur ki, təklənmiş
durumdasan. Bu qədər rəqiblə necə bacaraqcaqsan?
- Əslində, bilmədiyiniz o qədər şeylər var ki... Əgər Allah mənə
izin versə, nəinki bacarmaq, onların üstündən keçib gedəcəyəm.
- Düşünmürsən ki, bu açıqlamadan sonra sənə qarşı bir
qədər də aqressivləşəcəklər?
- Mənimçün fərq etməz. Əgər məhv olmalıyamsa, bunun sizə
müsahibəmdən sonra, yaxud başqa vaxt olması əhəmiyyətli deyil. Məhv
olmasam, deməli, mən qalibiyyət üçün doğulmuşam.
İntiqam VALEHOĞLU
-
Sosial19:46
Azərbaycanın Milli Qəhrəmanı infarkt keçirdi - FOTO
-
Kriminal19:12
Borcu ödəməmək üçün tanışını öldürdü
-
Magazin118:48
Röya Ayxan bu tarixdə ƏRƏ GEDİR - VİDEO
-
Səhiyyə18:12
Azərbaycanda uşaqlarla bağlı yeni tibbi mərkəz YARADILDI - FOTO
-
Avropa17:28
Bu ölkə Rusiyanı hədələdi: Şəhərlərinizi bombalayarıq
-
Region17:00
İrandan növbəti hədə: Görün SEPAH İsraili nə ilə qorxutdu
-
MDB16:22
Moskvada 21 yaşlı azərbaycanlı avtomobilini səkidə saxladı, ona irad tutan gənci öldürdü - VİDEO
-
Nida Təhlil 15:51
İşğalçı erməniyə göz yaşı tökən molla: İran silahı ilə Azərbaycanın neçə əsgəri öldürülüb?