Tabloid.az
İttiham: “Film başlayanda pulun yarısı yox olur” – FOTOLAR
Bakı Bələdiyyə Teatrının aktyoru, əməkdar artist Əfqan Soltanovun Publika.az-a müsahibəsi.
- Əfqan müəllim, teatrda işlər nə yerdədir?
- Teatrda hər şey qaydasındadır. Binayla bağlı bir balaca problemimiz var.
- Binada nə problem var?
- Qəzalıdır. Söz veriblər ki, yenidən təmir edəcəklər. Amma kənarda tamaşalar hazırlayırıq.
- Bəzi aktyorlar, xüsusən də Bakı Bələdiyyə Teatrının keçmiş aktyoru Ramin Şıxəliyev bildirib ki, orada yaradıcı baxımından durğunluq hökm sürür, ən yaxşı halda, ildə bir tamaşa təhvil verilir...
- Yox, demək olmaz ki, ildə bir tamaşa təhvil veririk. Bəzən 2-3 tamaşa hazırladığımız da olur. Sadəcə, dediyim kimi, bina ilə bağlı problem olduğuna görə tamaşanı başqa yerdə oynayırıq. Bununla belə, yenə də işləyirik.
- Son dəfə premyeranız nə vaxt olub?
- Dəqiq yadımda deyil. Amma səhv etmirəmsə, may ayında “Diaqnoz D” tamaşasının premyerası oldu. Dövlət Musiqili Teatrında oynadıq. Binanın olmaması aktyor üçün əlavə problemdir. Ola bilsin ki, bəzi teatrlarda ildə 4-5 tamaşa qoyulur. Amma biz qoyanda tamaşa qoyuruq da. Keyfiyyətə fikir veririk...
- Akademik Milli Dram Teatrında, Musiqili Teatrda, Gənc Tamaşaçılar Teatrında qoyulan tamaşaların keyfiyyəti sizin tamaşaların keyfiyyətindən fərqlənir?
- Bəli, fərqlənənlər var.
- Hansı tamaşanız digər teatrların tamaşasından üstündür?
- Məsələn, “Diaqnoz D” tamaşası bizdə də hazırlanıb, Akademik Milli Dram Teatrında da. Məncə, tamaşaların arasında fərq böyükdür. Çünki ayrı-ayrı adamlar hazırlayıb.
- Hansı daha yaxşı alınıb? Yəni tamaşaçı zövqünə daha uyğun olanı hansıdır?
- Kim öz malına pis deyər? Öz tamaşamız daha çox xoşuma gəlir.
- Rolunuz nə idi?
- Orada Partiya liderini oynayırdım...
- Toylara gedirsiniz?
- Gedirdim, amma son 1-2 ildə getmirəm.
- Niyə?
- Əvvəlki toylarda olan mühit qalmayıb. Toyda həm oxuyuram, həm aparıcılıq edirəm. Orada verilən zəhmət haqqı məni qane etmir.
- Aktyor gedib günü 50 manata çəkilməyə razı olur, amma toydan 50 manat almağa razı olmur?
- Əlli manata çəkilmirəm. Toyda əlli manat verirlər. Sovet dönəmində olub ki, bir toydan 13-14 min pul götürmüşəm.
- Sizi itirilmiş müğənni saymaq olar?
- Mən ilk növbədə aktyoram, əməkdar artistəm. Aktyor hər şeyi bacarmalıdır.
- Hazırda çəkildiyiniz film, ya serial var?
- Çəkilişlərimiz təzə bitib. “Səndən sonra” serialında baş rolda idim, Rövşən rolunu oynayırdım. “Xəzər” televiziyası başqa bir filmə çağırdı. Şərtimi dedim, razılaşmadılar.
- Şərtiniz nə idi?
- Oğluma da deyirəm ki, insan özü özünün hörmətini saxlamalıdır. Elələri var ki, gedib 30 manta da çəkilirlər.
- Siz neçəyə çəkilirsiniz?
- Günə 100 manat dedim. Bilirəm ki, çəkdiyimiz əziyyət üçün yüz manat da azdır. Kinostudiyada Ramiz Fətəliyev film çəkirdi. Günə 400-500 manat pul verirdi. İranda 92 seriyalıq seriala çəkilmişəm.
- Orada neçəyə çəkilirdiniz?
- Səni nə maraqlandırır?
- Müqayisə edəcəyəm. Məni maraqlandırmır, oxucunu maraqlandırır. Oxucu deyəcək ki, sən niyə bizimkiləri ittiham edən aktyordan soruşmursan ki, İranda nə qədər alırdın?
- Altı ay çəkildim, 7-8 min pul aldım. Müntəzəm çəkiliş olmurdu. Burada elə çəkilsəydim, maksimum 2-3 min alardım. Burada seriallarda pul vermirlər ki... Amma mən pulumu danışıb gedirəm.
- Dövlət seriallara, filmlərə bu qədər pul ayırır. Sizcə, bu pul harada “itir” ki, aktyora 50 manat gəlib çatıır?
- (gülür) Guya bilmirsən harada itir?...
- Mən çox şey bilə bilərəm.
- İlanı seyidə Əhməd əli ilə tutursan? Gör məni rejissorlarla düşmən edə bilirsən?
- Deməli, rejissorlarda itir?
- Yox, elə film çəkilməyə başlayanda pulun yarısı yox olur...
İntiqam VALEHOĞLU
-
Kriminal03:30
Sumqayıtda DƏHŞƏT: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu
-
Qoroskop00:15
Günün ULDUZ FALI: münasibətlər gərginləşə bilər
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK
-
Magazin118 Aprel 22:48
Məşhur xanəndə ONLARI QINADI: "Bu saat necə gəldi geyinirlər" - FOTO