Tabloid.az
Məlik Dadaşovun xatirə gecəsi keçirilib
Məlik Dadaşov ampula anlayışını darmadağın edən aktyorlardandır. Onun üçün janr məhdudiyyəti olmayıb. Sənətkarı maraqlandıran insan idi. Aktyorun hünəri odur ki, insanın daxili aləmini aça bilsin. Məlik Dadaşov bu işin öhdəsindən gəlməyi bacardı.
AzərTAc xəbər verir ki, bu fikrilər dekabrın 20-də Azərbaycan Dövlət Akademik Milli Dram Teatrında teatr və kino aktyoru, Xalq Artisti, Dövlət mükafatı laureatı Məlik Dadaşovun anadan olmasının 90 illik yubileyinə həsr edilən xatirə gecəsində səslənib.
Tədbir iştirakçıları əvvəlcə teatrın foyesində sənətkarın həyat və fəaliyyətindən bəhs edən fotosərgi ilə tanış olublar.
Xatirə gecəsini açan Xalq Artisti Hacı İsmayılov Məlik Dadaşovun Azərbaycan teatr və kino sənətinə töhfələrindən danışıb. Bildirib ki, M.Dadaşov təkcə Azərbaycanda deyil, ölkəmizin hüdudlarından kənarda da xalqımızı təmsil edən nadir sənətkarlardan olub. Yüksək intellektə, mədəniyyətə malik, aktyor sənətinin yüksək texnikasına yiyələnmiş bu sənətkar bir-birindən maraqlı, bənzərsiz rollar yaradıb. O, həm də gözəl pedaqoq olub.
Sonra M.Dadaşovun yaradıcılığını əks etdirən slaydlar nümayiş olunub.
Sənətşünaslıq doktoru, professor Məryəm Əlizadə, xalq artistləri Azərpaşa Nemətov, Lyudmila Duxovnaya və başqaları M.Dadaşovun yaradıcılığından söz açıb, onunla bağlı xatirələrini bölüşüblər.
Bildirilib ki, Azərbaycan aktyor məktəbinin orta nəslinə mənsub olan M.Dadaşov teatrda onlarla obraza səhnə həyatı verib, həmçinin kinoda da yaddaqalan, maraqlı rollar yaradıb. Onun Azərbaycan aktyorluq məktəbinin formalaşmasında xüsusi xidmətləri var. M.Dadaşov klassik və müasir aktyor sənətinin sintezindən yaranan bir ifa tərzi seçib.
Vurğulanıb ki, “Ölülər”dəki Şeyx Nəsrullah rolunu o dəfələrlə Azərbaycan Dövlət Akademik Milli Dram Teatrının səhnəsində oynayıb.
Qeyd olunub ki, “Axırıncı aşırım”dakı Qəmlo bütövlükdə kinomuzda yaddaqalan obrazlardandır. Bu obrazın bütün xarakterik cizgilərini ustalıqla açan aktyor filmin əsas dramatik yükünün daşıyıcısına çevrilir. Sənətkar “Dəli Kür” bədii filmində böyük ustalıqla molla Sadıqın daxili aləmini açıb.
Görkəmli aktyor “Birisi gün, gecəyarısı”, “O dünyadan salam”, “Fəryad”, “Hacı Qara” kimi filmlərdə də yaddaqalan və maraqlı obrazlara ekran həyatı verib.
Görkəmli aktyorun Azərbaycan mədəniyyətinə və incəsənətinə verdiyi dəyərli töhfələr onu hər zaman yaddaşlarda saxlayacaq, unudulmağa qoymayacaq.
Məlik Dadaşov “Özbəkfilm”in istehsal etdiyi “Təyyarələr enmədi” filmində Yəhya, “Moldovafilm”in çəkdiyi “Dmitri Kantemir” ekran əsərində Vəzir, “Belarusfilm”də istehsal olunmuş “Müsahibə götürən adam” filmində Niyazxan rollarında çəkilib.
Xatirə gecəsində M.Dadaşovun rol aldığı film və tamaşalardan fraqmentlər göstərilib.
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?
-
Magazin123 Aprel 23:36
Tünzalə imicini dəyişdi - FOTO
-
MDB23 Aprel 23:12
Şoyqunun müavini SAXLANILDI - Külli miqdarda rüşvət alıb
-
İdman23 Aprel 22:48
Son çempion boşanır: uşaqlıqdan başlayan nağıl bitir
-
Dünya23 Aprel 21:36
Məşhur bloqer helikopterdən bir çanta pulu çimərliyə SƏPƏLƏDİ - VİDEO