• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Nərgiz Mütəllimova: “Məni sevənlərin çoxu yaşca balacalardır” – FOTOLAR

Nərgiz Mütəllimova: “Məni sevənlərin çoxu yaşca balacalardır” – FOTOLAR

Nərgiz Mütəllimova. Bəlkə də, bu ad çoxlarınıza heç nə demədi. Amma xalq artisti Firəngiz Mütəllimovanın bacısı kimi o, yetərincə tanınır.

Son bir-iki ildə isə yaradıcılıqla bağlı heç bir fəaliyyəti gözə dəymir.

Bu və digər məsələlərlə bağlı Publika.az-ın suallarını Nərgiz Mütəllimova cavablandırır.

- Nərgiz xanım, hazırda nə işlə məşğulsunuz?

- “Bacanaqlar” serialına çəkilirəm.

- Oradakı rolunuz barədə məlumat verərdiniz.

- Elə öz adımla oynayıram – Nərgiz. Qonşuyam, gəlib camaatın evinə dava salıb, gedirəm.

- Həyatda da belə insansınız?

-Yox, yox, qətiyyən elə deyiləm. O gün Elməddin (Elməddin Cəfərovu nəzərdə tutur – İ.V.) mənə deyir ki, real oyna e, özün kimi ol. Deyirəm, axı həyatda mən elə deyiləm (gülür).

- Siz yaradıcılığa müğənni kimi başlamışdınız. Nə oldu ki, birdən-birə aktrisa olmağa qərar verdiniz?

- Bəli, müğənni kimi başlamışdım. Elə fikirləşirəm ki, bir mahnı yazdırıb, radiolara verim.

- Sonuncu dəfə nə vaxt mahnı yazdırmısınız?

- Bir-iki il olar.

- Niyə belə tez-tez mahnılar yazdırırsınız?

- (gülür) Nə bilim vallah. Mən elə vaxt oxudum ki, onda hələ az-az adam oxuyurdu.

- 10-15 il əvvəli nəzərdə tutursunuz?

- On beş il olmaz, haradasa on iki il bundan əvvəl idi. Səhv etmirəmsə, 2002-ci ildə oxumuşdum. İndi o qədər müğənni var ki. Çoxları deyir ki, tənbəlsən. Deyirəm ki, mən nə oxuyum?

- Onda belə çıxır ki, müğənniliyə hobbi kimi başlamışdınız.

- Ola bilər. Axı müğənnilik mənim öz sənətim deyil.

- Deyirsiniz ki, müğənni kimi davam etmək istəyirəm. Hobbidirsə, niyə davam edirsiniz?

- Həvəslənirəm də.

- Hesab edirsiniz ki, səsiniz var?

- Mən Şuşadanam axı...

- Bu, o deməkdir ki, şuşalısınızsa, oxumalısınız? Yaxud hər şuşalının səsi olur?

- Səsim olmasa da, musiqi duyumum var. Həm də pianino müəllimiyəm.

- Hazırda pedaqoji fəaliyyətiniz var?

- Bəli, Şuşa Musiqi Kollecində fortepianodan dərs deyirəm.

- Müəllimlik rahatdır, yoxsa səhnə, efir?..

- Məncə, müəllimlik daha rahatdır. Səhnə çox çətindir.

- Nə vaxt sizi xalq artisti Firəngiz Mütəllimovanın bacısı kimi yox, öz işinizlə tanıya biləcəyik?

- İnşallah.

- Amma indiki durum fərqlidir. Haqlıyammı?

- Düz deyirsiniz.

- Məsələn, bir vaxtlar Firəngiz xanım da rəhmətlik Yaşar Nuriyə görə tanınırdı. Amma bir müddət sonra o “şinel”dən çıxdı, özünü təsdiqlədi. Siz isə 12 ildir...

- (gülür) Deyəsən, ölənə qədər də belə olacaq.

- Yayda müxtəlif ölkələrdə istirahət edirsiniz. Fotolarınız sosial şəbəkələri bəzəyir...

- İndi də Türkiyəyə getməyə hazırlaşırıq. Həm də Firəngizin müayinəsinə gedirik. Bir-iki həftəyə yola düşəcəyik.

- İstirahətə bu qədər vaxt ayırınca, onu işə sərf etmək olmazdımı?

- Nə bilim e. Toylara gedən deyiləm. Şou proqramlara da getmirəm.

- Dəvət etsələr, getməyəcəksiniz?

- Yox, getmirəm. İnanırsınız, o vaxt klip çəkdirdim, efirlərdə göründüm. Nə qədər pulum çıxırdı.

- O vaxt reklamınıza nə qədər pul xərcləmişdiniz?

- Çox idi, indi yadımda deyil. Özü də klipim əla alınmışdı. Ülviyyə Könül mistik janrda çəkmişdi o klipi.

- Onda da toylara getmirdiniz?

- Yox, heç vaxt getməmişəm. Bir-iki şou proqrama getmişəm. O da elə-belə .

- Belə çıxır ki, başlayanda da efirə tanınmaq üçün çıxmışınız, sənət üçün yox...

- Yox e, yox.

- (zarafatyana) Soruşmaq ayıb olmasın, niyə ailə qurmursunuz?

- (gülür) İstəmirəm. İstəsəm, bu dəqiqə ərə gedərəm. Amma beynimə girib, ərə getmirəm.

- Səbəb?

- İstəmirəm...

- Bəlkə, kiminləsə mərcə girmisiniz, and içmisiniz, söz vermisiniz ki, ailə qurmayacaqsınız?

- Yox, elə deyil. Yəqin ki, qarşıma istədiyim insan çıxmayıb. Amma yenə deyirəm ki, istəsəm, gedərəm.

- Sizə görə şəxsi münasibətlərdə yaş fərqi çox önəmlidir?

- Məni sevənlərin çoxu yaşca məndən balacadır. Amma istərdim ki, öz yaşıma uyğun olsun.

- Yaşca balacaya ərə getmək olmaz?

- Olar...

- Məsələn, 10 yaş kiçik olsa...

- Yox, on yaş ola bilməz. Ən uzağı, özümdən beş yaş kiçiyə, beş yaş böyüyə ərə gedərəm.

İntiqam VALEHOĞLU

Xəbər lenti

DAHA ÇOX XƏBƏR