Azərbaycanlı “Qayınana” Özbəkistanı bir-birinə vurdu – FOTOLAR

Azərbaycanın Özbəkistandakı Səfirliyinin nəzdindəki Heydər Əliyev adına Azərbaycan Mədəniyyət Mərkəzinin təşəbbüsü ilə Özbəkistanın uchildiz.uz portalında "Жаҳон кино хазинасидан: Qaynona (Свекровь)" adlı məqalə dərc olunub.

Publika.az-ın məlumatına görə, məqalədə Azərbaycan kinematoqrafçıları tərəfindən çəkilən Özbəkistanda da məşhur olan “Qaynana” filminin baş rol ifaçısı Nəsibə Zeynalovanın həyat və yaradıcılığı haqqında məlumat verilib, Cənnət rolunun aktrisanın vizit kartı olduğu qeyd olunub.

Müəllif yazır ki, Nəsibə Zeynalova 22 filmdə, 70 teatr tamaşasında müxtəlif rollarda oynayıb və maraqlı obrazlar yaradıb. Aktrisanın yaratdığı rollar - Cənnət xala, Suğra, Fatmanisə və başqaları bu gün də Azərbaycanda və digər ölkələrdə sevilir, maraqla baxılır. Daha sonra “Qaynana” filmi haqqında ətraflı məlumat verilir.

Filmin özbək dilinə dublyaj edildiyini və Özbəkistanda olduqca məşhur olduğunu vurğulayan müəllif özbək telekanallarında filmin tez-tez nümayiş etdirildiyini yazır. Sonda qeyd edilir ki, Özbəkistanın tanınmış müğənnisi Şahzoda “Qaynana” filmindən fraqmentlərdən istifadə edərək, yeni klip çəkdirib və onu ictimaiyyətə təqdim edib.

Cəvahir