• USD 1,7339 +0,12% EUR 1,8516 +0,84%
    • GBP 2,1859 +0,79% RUB 0,0272 +0,74%

“Çölçü” Azərbaycandan gedir – FOTOLAR

“Çölçü” Azərbaycandan gedir – FOTOLAR

Tanınmış rejissor Şamil Əliyevin “Çölçü” bədii filmi daha iki beynəlxalq kinofestivalın əsas müsabiqəsində iştirak edəcək.


Publika.az-a bu barədə filmin rejissoru Şamil Əliyev məlumat verib. Hindistanda keçiriləcək “II Noida Beynəlxalq film festivalı-2015”-də “Çölçü” ən yaxşı bədii film, rejissor, ssenari yazarı, operator, aktyor və aktrisa və digər nominasiyalarda yarışacaq.


Mükafatlar 2015-ci il fevralın 14-də təqdim olunacaq.


“Çölçü” filmi, həmçinin 2015-ci il martın 6-dan 15-dək Avstraliyanın Bayron Bey şəhərində keçiriləcək IX Bayron Bey Beynəlxalq film festivalında (Byron Bay International Film Festival) bir neçə mükafat uğrunda yarışacaq.


Azərbaycan Respublikası Mədəniyyət və Turizm Nazirliyinin sifarişi ilə “Azərbaycanfilm” kinostudiyasında lentə alınmış “Çölçü” filminin ssenari müəllifi Vidadi Həsənov, operatoru Rafiq Quliyev, rəssamları Rafiq Nəsirov və İbrahim Aminovdur. Rollarda Vidadi Həsənov, Bəhruz Vaqifoğlu, Cavidan Məmmədov və başqaları çəkilib.


Filmin süjet xətti şəhərdən uzaqda yaşayan gənc çölçünün qəsəbədən gəlmiş qızla tanışlığından sonra həyatında baş verənlər üzərində qurulub.


Qeyd edək ki, dünyanın 5 qitəsini gəzərək bir neçə mükafat və diplomlara layiq görülən “Çölçü” bədii filmi bununla da artıq sayca 27 beynəlxalq kinofestival və forumda iştirak etmiş olacaq.

Cəvahir

Xəbər lenti

DAHA ÇOX XƏBƏR