Tabloid.az

Mətanət İsgəndərli avtobusda konsert verdi – FOTOLAR

6 Fevral 2015 16:59

Tanınmış müğənni, əməkdar artist Mətanət İsgəndərli avtobusda konsert verib.

Publika.az xəbər verir ki, “ATV maqazin” verilişinin qonağı olan sənətçi proqramın müxbiriylə birgə 96 saylı marşruta minib. Sərnişinlər əməkdar artisti görüncə ona xoş sözlər ünvanlayıblar:

“Mətanət xanımı görmək bizim üçün çox xoşdur. Doğrudan da, sevdiyimiz sənətçidir”.

Bir xanım sərnişin isə sənətçinin avtobusa minməsini hətta möcüzə adlandırıb. Repertuarından bir neçə mahnını sərnişinlər üçün oxuyan İsgəndərli sürücünün xahişini də yerə salmayıb və türkcə olan “Şoför” mahnısını oxuyub. Sənətçi təəssüratlarını belə izah edib:

“Həmişə yuxuda görürdüm ki, avtobusa minirəm. Yuxum çin oldu. Lap keçmiş günlər yadıma düşdü. Atam deyirdi ki, “96” çoxdanın avtobusudur. Bəlkə də, 96 yaşı var”.

Sənətçinin avtobusdakı fotolarını təqdim edirik.

İntiqam VALEHOĞLU