Tabloid.az

Niyam Salami: “Duz-çörəyimi itirən insanlar olub” - FOTOLAR +VİDEO

20 Fevral 2015 15:04

Müğənni Niyam Salami yaradıcılığındakı yeniliyi təqdim edib.

Publika.az-a açıqlama verən ifaçı bildirib ki, sözləri Azər Şirin, musiqisi Zaur Zeynala məxsus mahnını lentə aldırıb:

“Müğənninin işi oxumaq, yeni mahnılar yazdırmaqdır. Mən də payıma düşəni etməyə çalışıram. Daim yeni mahnılar yazdırıram. Repertuarımda ən çox lirik mahnılar yer alıb. Amma bununla yanaşı, ritmik bəstələr də ifa etmişəm. Bu gün təqdim etdiyim mahnı dostluğa aiddir. Duz-çörəyi itirməyən sadiq dostlara həsr edilib. İndiki dövrdə yaxşı, dürüst dost qazanmaq çətin məsələdir. Zaman-zaman duz-çörəyimi itirən insanlar da olub. Pis insanları unudub, yaxşı dostların dəyərini bilmək lazımdır. Elə bu mahnımı dostlarımın şərəfinə ifa etmişəm. Mahnının da seviləcəyinə inanıram”.

N.Salaminin sözlərinə görə, “Dostum” adlı bəstəyə klip çəkilişləri də nəzərdə tutulub. Qeyd edək ki, ifaçı sözügedən mahnı üçün fotosessiya da etdirib.

Cəvahir