Türkiyənin məşhur aparıcısı Bakıya gəlir – FOTOLAR

Türkiyənin populyar “Men bilmem eşim biler” verilişinin aparıcısı İlker Ayrık Bakıya gəlir.

Nizami Kino Mərkəzindən Publika.az-a verilən məlumata görə, martın 6-da Kino Mərkəzində türkiyəli ulduzun imza günü və film nümayişi keçiriləcək.

Türkiyənin populyar aktyoru və aparıcısı İlker Ayrık çəkdiyi və çəkildiyi “Yapışık kardeşler” komediya filmini Azərbaycan tamaşaçısına təqdim edəcək.

Halim və Selim iki şən və baməzə olan qardaşdırlar. Onları başqalarından fərqli edən səbəb bir-birinə yapışıq doğulmaları və istər-istəməz bərabər yaşamağa məcbur olmalarıdır. Balaca bir qəsəbədə xoşbəxt həyat sürən qardaşlar evlilik yaşına çatdıqda özlərinə uyğun “xeyirli” qismət tapmaq üçün İstanbula üz tuturlar...

Filmdən əvvəl aktyor və rejissor İlker Ayırık avtoqraf sessiyası keçirəcək və mətbuatın suallarını cavablandıracaq.

Filmdə baş rolları İlker Ayırık ilə yanaşı Hakan Bulut, İvana Sert, Suzan Kardeş, Suat Sungur, Erdal Tosun, Ayberk Atilla, Fırat Tanış ve Bülent Şakrak ifa ediblər.

Cəvahir