Tabloid.az
Xalq yazıçısı Elçinin “Şekspir” əsərinin tamaşası İstanbulun səhnəsində
İstanbul Bələdiyyə Teatrlarının ən nüfuzlu Muhsin
Erduğrul səhnəsində xalq yazıçısı Elçinin “Şekspir” əsərinin
tamaşası göstərilmişdir.
Elçinin Türkiyənin mədəni həyatında mühüm hadisə olan “Ulduzlar
altında ölüm” (“Qatil”) əsərinin tamaşasının və “Mahmud və Məryəm”
filminin premyerasından sonra daha bir əsərinin “Şekspir”in
tamaşası böyük əks-səda doğurmuşdur.
Tamaşada xalq yazıçısı, müəllif Elçin Əfəndiyev, Azərbaycanın
İstanbuldakı baş konsulu Həsən Zeynalov, İstanbul valisi Hüseyn
Avni Mutlu, diplomatlarımız, qardaş ölkənin ictimai xadimləri,
sənət adamları olmuşlar.
İstanbul Bələdiyyəsi Teatrlarının müdiri Hilmi Zafer Şahin
bildirmişdir ki, “Şekspir” pyesini Türkiyədə səhnələşdirmək ideyası
“Qatil” tamaşasını Bakıda nümayiş etdirdiyimiz zaman professor
Nərgiz Paşayevanın istanbullu aktyorları “ÜNS Yaradıcılıq
Səhnəsi”nə dəvət etməsindən sonra yaranmışdır. Burada rejissor
Bəhram Osmanovun quruluşunda tamaşaya baxdıqdan sonra mən bu
maraqlı əsəri Türkiyədə tərcümə etmək və səhnələşdirmək istədiyimi
bildirdim. Teatrın bədii şurası da əsəri repertuara daxil etdikdən
sonra gərgin səylərimiz nəticəsində belə gözəl tamaşanı ərsəyə
gətirdik.
Tamaşanın quruluşçu rejissoru, aktrisa Məlahət Abbasova dörd il
əvvəl İstanbul Böyükşəhər Bələdiyyəsi Teatrının Muhsin Ertuğrul
səhnəsində böyük uğurla göstərilən “Qatil” tamaşasının da
quruluşunu vermiş, habelə İstanbul teatrlarında xalq yazıçısı
Anarın “Təhminə və Zaur”, xalq şairi Bəxtiyar Vahabzadənin “İkinci
səs” əsərlərini də səhnələşdirmişdir.
Onun sözlərinə görə, bəşəri ideyalar daşıyan, insanlığın əzəli və
əbədi problemlərinə toxunan “Şekspir” tamaşasının onların arasında
xüsusi yeri vardır.
Türkiyənin tanımış dramaturqu Tuncer Cücenoğlu xalq yazıçısı Elçini
on beş ildir tanıdığını, onun hər əsərinin Türkiyədə
səhnələşdirilməsinin mədəni həyatda əlamətdar hadisə olduğunu
demişdir.
Özünün də pyeslərinin Azərbaycanda səhnələşdirildiyini qeyd edən
türkiyəli yazıçı vurğulamışdır ki, iki qardaş ölkə dramaturqlarının
əsərlərinin təbliği xalqlarımızın mədəniyyət sahəsində
əməkdaşlığının bir örnəyidir. Artıq, Türkiyə və Şimali Kipr
teatrsevərləri Elçini öz dramaturqları kimi tanıyır və
sevirlər.
Türkiyənin tanınmış aktrisası Suna Keskin də böyük həvəslə tamaşa
etdiyi bu əsərdə təqdim olunan bəşəri mövzuların hər bir insanı
ömür boyu düşündürdüyünü söyləmişdir.
Onun sözlərinə görə, hər bir sənətçi üçün tamaşaçını düşündürən
rolu oynamaq olduqca maraqlıdır. Məhz bu tamaşada belə rollar
çoxdur və türkiyəli aktyorlar azərbaycanlı dramaturqun
düşüncələrini tamaşaçıya məharətlə çatdırdılar.
Türkiyənin tanınmış səhnə ustaları - Sezai Aydın, Hakan Arlı, Selma
Kutluğ və digərlərinin əsərə və ifalarına yaradıcı münasibətləri
tamaşaçıların sürəkli alqışları ilə qarşılanmışdır.
Ayhan Aydoğanın səhnə tərtibatı da əsərin fəlsəfi-psixoloji
missiyasını gözəl şəkildə tamamlamışdır.
Səhnədəki böyük beyin maketi, onun açılmasından sonra ortaya çıxan
zaman məfhumu və fələyin çarxını xatırladan orijinal üslub yüksək
peşəkarlıq nümunəsidir.Hadisələrin cərəyan etdiyi ruhi- əsəb
xəstəxanası, müəllifin burada “Stalin”, “Sara Bernar” və yad
planetli adlandıran ruhi xəstələrin adından tamaşaçıya təqdim
etdiyi fəlsəfi özünüdərk postulatı bütün dinlərdən və millətlərdən
olanları düşündürən məsələlərdir.
Hakan Arlının ustalıqla yaratdığı baş həkim obrazı bir
ictimai-siyasi formasiyadan digərinə keçid dövründə yaşadığı dərin
mənəvi-psixoloji problemlərin yaratdığı sarsıntıdan ruhi xəstələrə
həsəd aparan həkimin faciəsinin səhnə təcəssümüdür.
Aktyor Sezai Aydının canlandırdığı “Stalin” ləqəbli xəstənin
dilindən isə dünyanın böyük bir hissəsində insanlığın məruz qaldığı
cinayət, kataklizm və tragikomik hadisələr təqdim olunur.
Bəstəkar Aygün Səmədzadənin tamaşaya yazdığı mistik musiqi səhnə
əsərini daha baxımlı edir.
İstanbul teatrsevərlərinin rəğbətlə qarşıladığı “Şekspir” tamaşası
İstanbul Bələdiyyə Teatrlarının Üsküdar və Ümraniye səhnələrində də
göstərilmişdir.
Tamaşanın aprel-may aylarında Bakıda da nümayiş etdirilməsi
planlaşdırılır.
-
Nəqliyyat19:48
Azərbaycanda bu taksi şirkəti BAĞLANIR - FOTO
-
Sosial19:12
Azərbaycanda tikintidə GÖRÜNMƏMİŞ HADİSƏ - VİDEO
-
Sosial18:40
Xankəndidə dünyaya gələn ilk körpənin ailəsinə MÜJDƏ
-
Sosial17:54
Əli Əsədov qərar imzaladı
-
Qarabağ 17:13
Xankəndidə ilk körpə dünyaya gəldi - FOTO
-
Qarabağ 16:38
Bu ölkələr Ermənistanı bizə qarşı silahlandırır, gözləyə bilmərik
-
Rəsmi xronika16:13
Biz dörd kənd məsələsini heç vaxt yaddan çıxarmamışıq
-
Nida Xəbər 16:08
SON DƏQİQƏ: Qazaxın azad edilən kəndində bayrağımız qaldırıldı - VİDEO