Tabloid.az
Fevralda doğulub fevralda dünyasını dəyişən Əliağa Kürçaylı
Bu gün Azərbaycanın unudulmaz şairi Əliağa Kürçaylının doğum günüdür.
Əliağa Həsənağa oğlu Vəliyev 1928-ci il fevral ayının 20-də Salyan rayonu Kürqaraqaşlı kəndində doğulub. Orta məktəbin 9-cu sinfindən təhsilini yarımçıq qoyub, 1944-1946-cı illlərdə Zaqafqaziya Dəmir Yolu İdarəsinin Salyan şöbəsində mühasib işləməyə başlayıb.
1946-1947-ci illərdə Bakı Dəmir Yolu Texnikumunda birilllik mühasiblər kursunda oxuduqdan sonra baş mühasib olmuş, Salyan Dram Teatrında eyni vəzifəyə dəyişilmişdir.
1946-cı ldə “Azərbaycan gəncləri” qəzetində çap olunmuş “Sənin gözlərin” adlı ilk şeiri ilə ədəbiyyata gəlişi uğurlu olub, sonralar mərkəzi və respublika dövrü mətbuatında müntəzəm çıxış edib.1947-ci ildə Salyan radio qovşağında redaktor kimi çalışıb, gənc yazıçıların I Respublika müşavirəsində iştirak edib. Bakıda fəhlə gənclər orta məktəbinin son sinfini bitirdikdən sonra ADU-nun (BDU) filologiya fakültəsinə daxil olub. 1949-1954-cü illərdə onu M. Qorki adına Ədəbiyyat İnstitutuna təhsil almağa göndərilib, lakin səhhəti ilə əlaqədar olaraq geri qayıdıb universitetdə təhsilini davam etdirib.1953-1955-ci illərdə “Kommunist”qəzeti redaksiyasında ədəbi işçi, “Ədəbiyyat və incəsənət” qəzetində şöbə müdiri vəzifələrində çalışıb.
Moskva Ali Ədəbiyyat kursunun dinləyicisi (1955-1957), “Azərbaycan gəncləri” qəzeti redaksiyasında şöbə müdiri (1959-1965), “Azərbaycan” jurnalı redaksiyasında məsul katib, Azərbaycan Yazıçılar İttifaqı nəşriyyat şöbəsinin rəisi (1965-1966), “Literaturnıy Azerbaydjan” jurnalı redaksiyasında məsul katib, Azərbaycan Dövlət Nəşriyyatında redaktor (1966-1967) işləyib, sonra bir müddət yaradıcılıq fəaliyyəti ilə məşğul olub, Yazıçılar İttifaqında dramaturgiya bölməsinə rəhbərlik edib.
1978-ci ilin mayından ömrünün sonunadək “Yazıçı” nəşriyyatında baş redaktor kimi çalışmışdır.
Əliağa Kürçaylı 1980-ci fevral ayının 11-də vəfat edib.
-
Hadisə16:55
Bakıda bazar yanır
-
Nida Xəbər 16:10
Ceyhun Bayramov İran səfiri ilə görüşdü
-
Sosial15:10
Cavanşir Məmmədovun dəfn yeri açıqlandı
-
Hadisə14:20
Azərbaycanlı iş adamı öldürüldü
-
Maraq dünyası13:35
Dünyanın ən gənc və ürəyi boş milyarderi: Bu müəmmalı şəxs niyə hamıdan gizlənir?
-
Hadisə13:01
Cavanşir Məmmədov vəfat etdi
-
Hadisə12:30
Maşınlarını tıxacda saxlayıb dalaşdılar - VİDEO
-
Sosial11:55
Əli Əsədov qərar imzaladı