Nərgiz Paşayevanın qızının qüsursuz stili - FOTOLAR

Buro 24/7 Up Close & Stylish layihəsini davam etdirir. Bu dəfə qəhrəmanımız Buro 24/7 Azərbaycan versiyasının təsisçisi və NARGIS jurnalının baş redaktoru Ülviyyə Rəhmanovadır. O, Philipp Plein brendindən 2 obrazda görünüb. Gərgin iş qrafiki ilə çalışan və 3 yaşlı uşağın tərbiyəsi ilə məşğul olan qadının geyimində əsas olan rahatlıq və öz stilinin qorunmasıdır.

Brendin brutal stilinə baxmayaraq, Ülviyyə Rəhmanova onu tamamilə fərqli şəkildə təqdim edib. Oğlu Arif Rəhmanovla gəzintidə Ülviyyə neon kənarlı cins ətəyi seçib. Ətəyə brendin firma nişanı - strazlı böyük kəlləsi olan dəri jilet özəllik verir. Obraza üzərinə Swarovski strazları səpilən idman ayaqqabıları əlavə edilib.

Növbəti obraz dəri korseti olan uzun geyimdir. Əlvan rəngli şifon ətək qarışıq pələng printi ilə bəzədilib. Belə geyimdə Ülviyyə möhtəşəm görünür - parlaq, təravətli və yaya uyğun.
Buro 24/7 Azerbaijan portalının fotosessiyasında siz tamamilə fərqli Ülviyyə Rəhmanova - qayğıkeş ana və ev sahibəsi olan gözəl xanım görəcəksiniz.

Mənbə:http://www.buro247.az/fashion/buro-secir/up-close-stylish-ulviya-rahmanova-philipp-plein-ge.html