Tabloid.az
Ramazanda sağlam qidalanma qaydaları
Ramazanda bir ay müddətində oruc tutulur. Ramazan ayının orucu
hər bir həddi-buluğa çatmış, xəstə olmayan müsəlman üçün vacib
sayılır.
Oruc tutmağın həm də orqanizmə faydalı olduğu deyilir. Lakin
təəssüf ki, çox vaxt bu belə olmur. Çünki insanların əksəri səhər
yuxudan durmağa tənbəllik edirlər, iftarda isə həddindən çox qida
qəbul qida qəbul edirlər. Bu, yolverilməzdir! Xüsusilə, Ramazan ayı
yay fəslinə təsadüf etdikdə, daha diqqətli olmaq məsləhətdir. Yayda
günlər çox uzun və isti olduğundan lazım olan tədbirləri əvvəlcədən
görməsəniz, sağlamlığınızla bağlı ciddi problemlər yaşaya
bilərsiniz. Buna görə də mütəxəssislər aşağıdakı şəkildə
qidalanmağı məsləhət görürlər:
1. Üç dəfəyə qidalanın
Mütləq 3 dəfəlik qida norması həyata keçirilməlidir. Bunlar 2
böyük və 1 kiçik paya ayrılmalıdır. Bəziləri Ramazanda imsak
yeməyini ümumiyyətlə yemirlər. Bu isə az qidalanmaya görə
orqanizmin müqavimətinin azalmasına, metabolizmanın yavaşlaması
üzündən çəkinin artmasına səbəb ola bilər.
2. İmsakı yüngül edin
İmsak süfrənizdə insanı daha uzun zaman tox saxladığı üçün zülal
tərkibi yüksək yumurta və pendir mütləq olmalıdır. Pomidor və
göy-göyərti də süfrədə yer almalıdır.
Lifli qidalar qandakı şəkəri tənzimləyir. Bal və mürəbbə məsləhət
deyil. Çünki qandakı şəkəri ani surətdə qaldırdığı və endirdiyi
üçün orqanizmdə pozğunluq yarada bilər. Yediyiniz pendir və
zeytunun duzuna da fikir verin.
3. Sürətli yeməyin
Orucu su, xurma, zeytun və şorbayla açmaq, yarım saat sonra əsas
yeməyə keçmək daha düzgündür. Qısa fasilə vermək qan şəkərini
yüksəldib, toxluq yaradır.
Əsas yeməkdə ət, toyuq, balıq, şorba, ətli və ya zeytun yağında
bişirilmiş səbzəyə üstünlük verin.
4. Şirin qidalardan istifadə edin
Yeməkdən 1-2 saat sonra meyvə və ya şirin çörək yeyin.
Amma qəbul olunacaq şirin qidanın şərbətli, xəmirli və qızartma
olmamasına diqqət edin. Xüsusilə mövsümi meyvələrindən hazırlanan
qidalar daha düzgün seçim olar.
5. Lifli qidalardan istifadə edin
İftarda və ya imsakda çox yağlı, çox duzlu qidalardan çəkinin.
Çünki bu qidalar gün ərzində daha çox susamanıza və su qəbul
etmədiyiniz üçün də yüksək təzyiqə, şiş kimi problemlərə səbəb
olur. Bunların əvəzinə mədə-bağırsaq sistemində uzun müddət qala
bilən və həzmi rahat olan lifli səbzələr, o cümlədən pomidor, xurma
və ya təzə meyvələr yeyin.
6.Daha çox çeynəyin
İftarda sürətli yemək mədə problemləri başda olmaqla qan şəkəri
və təzyiqin yüksəlməsinə səbəb olur. Səhhətiniz üçün uzun müddət ac
qalan mədəni qəfildən yükləməyin, kiçik hissələrlə yavaş-yavaş və
uzun müddətə yeyin.
7. Qızartma yeməyin
Ətləri sobada və ya közdə tam bişirin. Bu şəkildə bişirilən ət
daha yaxşı həzm olunur. Ətli səbzə yeməklərini bişirərkən yağ əlavə
etməyin, yalnız ətin öz yağında bişməsinə üstünlük verin.
8.Su itkisinə diqqət
Yay aylarında tərləmə maye itkisini yüksəldir. Sudan əlavə evdə
hazırlanmış az şəkərli limonad, ayran, kompot kimi içkilər
faydalıdır. İftardan imsaka qədər ən azı 12-15 stəkan su için. Çay
və qəhvə kimi mayelərdən çəkinin.
9. İftardan sonra gəzin
İftardan 1,5-2 saat sonra sakit templə gəzməyiniz həzmə yardımçı olar. Eyni zamanda, bu addım zəifləyən metabolizmanızı də sürətləndirəcək. Bu da çəkinizin artmasının qarşısını alacaq.
Tabloid.az
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK