Əli Mirəliyev Səməd Səmədovu yıxdı-sürüdü: “İt iti tanıyar” – QALMAQAL

Xalq artisti Səməd Səmədovun efirdə ustad sənətkar Qurban Pirimovu tanımaması və “mən heç itlərimin adlarını yadımda saxlaya bilmirəm” deməsi Əli Mirəliyevi özündən çıxarıb.

Mirəliyev od püskürüb: “Elə it iti tanıyar də. Səməd utansın ki, elə böyük sənətkarı tanımır. Hardan tanıyacaq e, o, qapısındakı itlərdən başqa kimi tanıyır ki? Bezmişəm belələrinə cavab verməkdən. Adımı “zəhər tuluğu”, “işverən” qoyublar. Neyləyim, danışmıram, ürəyim partlayır. Bu biabırçılığa necə dözüm axı?! Səməd nəinki ustadları, heç himnimizin müəlliflərini tanımır. O tək deyil, belə xalq artistləri o qədərdir ki…”

Qeyd edək ki, xalq artisti Səməd Səmədov “Space” telekanalının efirində yayımlanan “Hər bir havada” verilişində əfsanəvi tarzən Qurban Pirimovu təhqir edib. Belə ki, hər zaman “maraqlı” açıqlamaları ilə gündəmə gələn xalq artisti bu dəfə “Qurban Pirimov kimdir” sualına əcaib cavab verib: “Söndürün kameranı. Mənim dörd dənə itim var. Hərdən onların da adı yadımdan çıxır”.

Publika.az

Qeyd edək ki, bu, S.Səmədovla bağlı ilk belə hadisə deyil.

O, bundan öncə Azərbaycanın dövlət himninin müəlliflərini tanımamağı ilə gündəmə gəlmişdi.