“Şəhidlərimiz ürəyimdə əbədi yaşayacaq”
Bizi izləyin

Tabloid.az

“Şəhidlərimiz ürəyimdə əbədi yaşayacaq”

“Şəhidlərimiz ürəyimdə əbədi yaşayacaq”

Prezident İlham Əliyevin qızı, Heydər Əliyev Fondunun vitse-prezidenti Leyla Əliyeva cəbhə xəttində atışma zamanı şəhid olan əsgərlərimizin ailəsinə başsağlığı verib.

Teleqraf.com-un məlumatına görə, L.Əliyeva özünün rəsmi Facebook səhifəsində yazıb: “Şəhidlərin ailələrinə başsağlığımı ifadə edirəm! Həlak olmuş əsgərlərimiz Azərbaycanın müstəqilliyini müdafiə edərək onun milli azadlığını, torpaqlarını qoruyub. Onların qəhrəmanlığı, Azərbaycan xalqı qarşısında böyük xidmətləri heç vaxt unudulmayacaq, onlar mənim ürəyimdə əbədi yaşayacaq. Vətən, torpaq uğrunda şəhid olan oğullarımızın ailələri onlarla fəxr edə bilərlər. Çünki onlar müstəqil Azərbaycan üçün belə şücaətli oğullar, qəhrəmanlar böyüdüblər. Şəhidlərin ailələrinə daimi diqqət hər bir vətəndaşın borcudur, dövlətin, hökumətin, mənim, sizin borcunuzdur. Biz heç vaxt onları unutmamalıyıq. Bilin ki, mən həmişə sizinlə, xalqlayam və ömrümün sonunadək sizinlə qalacağam”.

Qeyd edək ki, Leyla Əliyeva Facebook-dakı profil şəklini üzərində üçrəngli bayrağımız olan qara lentlə əvəzləyib.

Oxumağa davam et
Reklam
Reklam

Gündəm