• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Ətin təkrarolunmaz dadı: Krevetka, Reseptlər

Ətin təkrarolunmaz dadı: Krevetka, Reseptlər

Bu yaxınlara qədər krevetka əlçatmaz məzə hesab olunurdu. Hazırda isə böyük marketlərin hamısında bişmiş və çiy krevetkalar satılır. Təkrarolunmaz və zərif ətdə insan orqanizm üçün lazımlı mikroelementlər - yod, kalium, kalsium, sink, kükürd var. Krevetkanın tərkibində dırnaqların, saçların möhkəmlənməsi, dərinin hamarlığı üçün lazım olan Omeqa-3 var.

Zülalla, yağ turşuları ilə zəngin olan krevetkanın tərkibində xolesterin olsa da, yağsız olması səbəbindən o qana daxil olmur, deməli, zərərsizdir. Krevetka ürək-damar sisteminin vəziyyətinə müsbət təsir edir və onun möhkəmlənməsinə kömək edir.

Bir sıra tədqiqatlar göstərib ki, krevetkadan müntəzəm istifadə edənlərin immuniteti güclənir və onlarda onkoloji xəstəliklərin yaranma ehtimalı xeyli azalır. Bu, krevetkanın kifayət qədər güclü antioksidantlarla zəngin olması sayəsində baş verir.

Lakin unutmamalıyıq ki, krevetkanın ziyanı da var. Krevetka çox qidalı məhsuldur, sağlam insan orqanizmi üçün tələb olunan mikroelementlərlə zəngindir. Ondan istifadə edəndə ölçü hissini unutmayın. Eyni zamanda, krevetkada dəniz suyunda müşahidə edilən bəzi radioaktiv maddələr ola bilər. Ona görə də krevetka alarkən onun hansı firma tərəfindən istehsal edildiyinə diqqət yetirin.

Креветки бывают сырыми (серого цвета) и варёными (розового)

Krevetka - xırda dəniz xərçəngi ideal dəniz məhsuludur. Krevetka müstəqil yemək və ya müxtəlif mürəkkəb salatların tərkibində istifadə edilə bilər. Amma bir məqamı unutmayın! Digər dəniz məhsulları kimi krevetka da ciddi termik təmizlənmə tələb edir.

Krevetkanın hazırlanması çox sadədir. Amma bir daha xatırladırıq ki, o yaxşı təmizlənməlidir. Əks halda əti sərt olacaq.

Öncə mağazadan çiy və ya bişmiş krevetka aldığınızı müəyyənləşdirin. Əlbəttə ki, məhsulun etiketində bu barədə məlumat olur. Çiy krevetka boz, bişmiş isə çəhrayı rəngdə olur. Əksər hallarda mağazalarda bişmiş, çəhrayı rəngli krevetka satılır. Bişmiş krevetkanın buzunu əridib, aşağı temperaturda bişirmək lazımdır.

Limonlu krevetka

Креветки готовятся достаточно просто, главное - не переварить их

Donmuş krevetkanı süzgəcə yığın, üzərinə qaynar su tökün ki, buzu ərisin. Sonra krevetkaları qazana yığın, üzərini tam örtənədək qaynar su tökün. Zəif odda krevetkanı qaynadın, sonra suyunu süzün. Boşqaba yığandan sonra limon şirəsi və göyərti ilə bəzəyin. Krevetka yeməyə tam hazırdır.

Kərə yağında krevetka

Креветки в сливочном соусе

zolaqlı krevetka- 500 qram

sarımsaq – 1-2 diş

çili bibəri

kərə yağı - 100 qram

zeytun yağı – 5 xörək qaşığı

zövqə görə duz, ədviyyat, göyərti .

Zeytun və kərə yağını tavada əridin. Xırda doğranılmış çili bibərini, sarımsağı yağda 2-3 dəqiqə qovurun, daha sonra krevetka və göyərtini əlavə edin. Tavanı oddan götürdükdən sonra üzərinə limon şirəsi səpin. Tavanın qapağını 2-3 dəqiqə örtün. Krevetka həm isti xörək, həm də soyuq qəlyanaltı kimi süfrəyə vermək olar.

Xamalı krevetka

Креветки под сметанным соусом

Krevetka 1 kq, bişmiş və ya çiy krevetka istifadə etmək olar

smetan sousu - 2 stəkan

kərə yağı - 1 xörək qaşığı

pendir- 2 xörək qaşığı

kartof - 5-6

Zirehindən təmizlənmiş və xırda doğranılmış krevetkanı tavaya tökün, daha sonra azca qızardılmış kartofu, smetan sousunu, süzgəcdən keçirilmış sousu əlavə edin. Sobada üzəri qızarana qədər bişirin.

Smetan sousunun hazırlanma qaydası belədir:

200 qram xamaya 1 xörək qaşığı un, duz əlavə edin. 5 dəqiqə inqrediyentləri yaxşıca qarışdırın. Bu sousdan başqa xörəklərin hazırlanmasında da istifadə etmək olar.

Unlu krevetka

Креветки, жаренные в тесте

Krevetka - 500 qram

yumurta – 1 ədəd

un - 2 xörək qaşığı

duz.

Krevetkanı zirehindən elə təmizləyin ki, ancaq quyruğu qalsın. Onu kağız qida salfeti ilə qurudun. Yumurtanı, unu çalın, duzlayın. Krevetkanı bu kütləyə batırıb kərə yağında qızardın.

Krevetkalı-almalı salat

Салат с креветками и яблоками

alma – 4 ədəd

qaynadılmış krevetka - 100 qram, krevetkanı çox sevənlər miqdarını artıra bilərlər.

qoz ləpəsi - 100 qram

limon şirəsi - 1 çay qaşığı

mayonez 2-3 xörək qaşığı

Krevetkanı salat kasasına tökün, almanı nazik dilimləyin. Limon şirəsini eyni ölçüdə adi su ilə qarışdırın və almanın üzərinə səpin. Qoz ləpəsini xırdalayıb, salata əlavə edin. İnqrediyentləri yaxşı qarışdırın, mayonez qatın. Dadların bir-birinə qarışması üçün salatı 30 dəqiqə soyuducuda saxlayın.

Düyülü krevetka

Креветки с рисом

krevetka - 500-600 qram

soğan - 3-4 ədəd

düyü – 1 stəkan

pendir - 50 qram

Sous üçün:

Su - 1-2 stəkan

kərə yağı 2-3 çay qaşığı

un - 1 çay qaşığı

kök – 2 ədəd

soğan – 1-2 ədəd

tomat pastası – 1 xörək qaşığı

şəkər – 1 çay qaşığı

duz, ədviyyatlar.

Krevetkanı azca duz əlavə edilmiş suda qaynadın. Suyunu süzdükdən sonra xırda-xırda doğrayın. Soğanı yağda qovurduqdan sonra krevetka ilə qarışdırın. Üzərinə duz, ədviyyat, tomat pastası vurun. Düyünü ayrıca qarışdırın. Düyü soyuduqdan sonra üzərinə sürtgəcdən keçirilmiş pendir səpin.

Xörəyi süfrəyə verəndə boşqaba birinci düyünü çəkin, üzərinə krevetkanı qoyun.

Nuş olsun!

Xəbər lenti

DAHA ÇOX XƏBƏR