Aybəniz Haşımovanın doğum günüdür – Video -Fotolar

Bu gün əməkdar artist Aybəniz Haşımovanın doğum günüdür.

Tabloid.az xəbər verir ki, sevilən sənətçi 46 yaşını qeyd edir.

Qeyd edək ki, tanınmış ifaçı 1968-ci il avqustun 22-də Gəncədə doğulub. 1979-cu ildən isə ifaçılıqla məşğul olur. Bülbül adına orta-ixtisas musiqi məktəbi və Bakı Musiqi Akademiyasında oxuyub.

Müğənninin formalaşmasında mərhum korifey sənətkar - xalq artisti Şövkət Ələkbərovanın, xalq artisti Arif Babayevin və ifaçının bacısı - xalq artisti Şahnaz Haşımovanın böyük rolu olub.

A.Haşımova uzun müddət mərhum pianoçu Gularə Əliyevanın rəhbərlik etdiyi məşhur “Dan ulduzu” instrumental ansamblının solisti olub.

Onu da qeyd edək ki, hazırda “Bülbüllər” qrupunun yaradıcısı olan A.Haşımova 1992-ci ilin yayında Qarabağ uğurunda savaşda qəhrəmancasınsa şəhid olan və ölümündən sonra “Vətən uğrunda” medalı ilə təltif olunan Xalid Quliyevin həyat yoldaşıdır.

Müğənninin biz qız övladı var. Tanınmış ifaçının qızı Aynişan Quliyeva da ifacılıqla, eyni zamanda, ictimai fəaliyyətlə məşğul olur, QHT sektorunda çalışır.