Böyrəkləri təmizləyən qidalar

Böyrəklərin yaxşı fəaliyyəti üçün bu yeməklərdən istifadə etmək uyğun görülür. Sağlam həyat üçün böyrək funksiyalarının düzgün şəkildə fəaliyyət göstərməsi son dərəcə əhəmiyyətlidir. Böyrək daşının meydana gəlməsinə maneə törətmək və gələcəkdə daha ciddi böyrək xəstəlikləri ilə qarşı-qarşıya qalmamaq üçün böyrəklərin lazımsız və zərərli ünsürlərdən nizamlı olaraq təmizlənməsi vacibdir.

Böyrəkləri təmizləyən faydalı və lazımlı məhsullara bərabər, giləmeyvələrin, zəncəfilin, qatığın, cəfərinin, balqabaq tumunun, sarıkökün faydalı olduğu bildirilir.

Böyrəkdən lazımsız ünsürləri təmizləməyə kömək edən çiyələk, böyürtkən, qarağat, üzüm və s. giləmeyvələrin təbiət tərəfindən bir çox xəstəliklərlə mübarizə aparmaq üçün antioksidant baxımından olduqca zəngin olduğu bildirilir. O, həm də böyrək sağlamlığını gücləndirir.

Zəncəfil qanı və böyrəyi toksinlərdən təmizləməyə kömək edir, çiy və ya bişmiş halda böyrək üçün ən yaxşı qidalardan biri hesab olunur. Diabet xəstələrinin böyrək sağlamlığını qorumasına da yardımcı olduğu bildirilir.

Qatıq kimi mayalanmış süd məhsulları probiotik olmaları baxımından böyrək sağlamlığında əhəmiyyətlidir. Saxladığı xeyirli bakteriyalar böyrəyin immunitet qazanmasını təmin edir.

Cəfəri böyrək sağlamlığı üçün, xüsusilə də böyrək daşı müalicəsi üçün olduqca təsirlidir.

Balqabaq tumunun antioksidant, mineral və vitamin baxımından zəngin olduğu bildirilir və böyrəyi sərbəst radikallardan qoruyur.