Stressdən xilas edən qidalar
Bizi izləyin

Tabloid.az

Stressdən xilas edən qidalar

Stressdən xilas edən qidalar

Gündəlik sosial qayğıların və problemlərin daha çox olduğu şəhərlərdə stressə düçar olan insanlar az deyil. Stresslə mübarizədə qida qəbulu da əhəmiyyətli hesab olunur. Həmin qidalara böyürtkəni, brokkolini, qozu, çiyələyi, yerkökünü, toyuq ətini də daxil edirlər. Alimlər apardıqları araşdırmalardan sonra stressi azaltmaq üçün müəyyən qidaları qəbul etməyin faydalı olduğu qənaətinə gəliblər.

Həmin qidalara ilk növbədə enerjinin az yayılmasını təmin edən, iştahanın sürətlənməsini önləyən zülal baxımından zəngin olan qidalar aid edilir.

Yuxu nizamını pozan, nəbzi və təzyiqi yüksəldərək sinir sisteminə güclü təsir edən kofeindən çoxlu istifadə məsləhət görülmür.

Tərkibi kalsium və maqneziumla zəngin olan, əzələləri rahatlaşdıran, sinir sistemini və təzyiqi normallaşdıran qidalara üstünlük verilməsi məsləhət görülür.

Bəzi məlumatlarda isə Hindistan qozunun suyunun, ispanağın, balqabaq tumunun, gül kələminin, quru mayanın, quşqonmaz bitkisinin stressə faydalı olduğu bildirilir.

Cəfəri, pazı, sardalya, somon və tuna balığınının, şitake göbələyinin də əhəmiyyətli olduğu hesab olunur.

Bildiyimiz kimi, stressin təsirilə göz bəbəklərinin genişlənməsi, kortizolun, adrenalinin, xolesterolun və tiroid hormonun artması baş verə bilər. Eyni zamanda, bu hal cinsi hormonların azalması, həzm sisteminin zəifliyi, qan şəkərinin yüksəlməsi və s. nəticələrə çıxara bilər. Bu baxımdan balanslı qidalanma həmin problemlərlə mübarizədə əhəmiyyətli hesab olunur.

Stresslə mübarizə aparmaq üçün bəzi qidaların və vitaminlərin normada qəbul edilməsi mütləqdir.

Bəzi məlumatlarda şirin bibərin, yaşıl çayın, zərdaçalın, zeytun yağının, yumurtanın da stresslə mübarizədə effektli olduğu bildirilir.

Oxumağa davam et
Reklam
Reklam

Gündəm