• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Gəncləşdirən meyvələrin inanılmaz faydaları

Gəncləşdirən meyvələrin inanılmaz faydaları

İlk növbədə onu vurğulayaq ki, bədənimizin başlıca düşməni olan xolesterol heç bir meyvədə yoxdur! Meyvələrdə təbii şəkər var, nə qədər çox meyvə yeyərsək beynimizdəki sinir hüceyrələri o qədər inkişaf edər və yaddaşımızı gücləndirir! Meyvələr mükəmməl lif qaynağıdır! Meyvələr vitamin və mineral baxımından çox zəngindir! Az kalorili olduğu üçün kökəltmir! Ancaq kalorisi nisbətən yüksək olan əncir, banan və üzümdən çox yemək olmaz. Meyvələri acqarına yemək həzmi asanlaşdırır!

Gilas güclü ağrıkəsicidir. Xolestrol və qan şəkərini normaya salır, bədəndən zəhəri təmizləyir. Qəbizliyi aradan qaldırır. Nikotinin vücuddan atılmasına kömək edir. Böyrəkləri daş və qum yığılmasından qoruyur, qum varsa, zamanla tökər. Öd kisəsi daşının tökülməsinə, həmçinin üzdə olan sızanaqların təmizlənməsinə kömək edir. (100 gr. gilas = 70 kalori)

Üzüm böyrəklərin işləməsini asanlaşdırır, ürək döyüntülərini tənzimləyir. Qaraciyəri təmizləyir. Qara üzüm, qabığı və tumları ilə yeyilərsə, hüceyrə yeniləyər. Həzm prosesini asanlaşdırır, qan azlığını tənzimləyir. Uşaqların inkişafı üçün çox faydalıdır. Ancaq kalorisi yüksək olan üzümün bir gündə 15-20 ədəddən çox yeyilməməsi məsləhətdir. (100 gr. üzüm = 65 kalori)

Şaftalı ürək narahatlıqlarına və xərçəngə qarşı qoruyucudur. Həzm sisteminin düzgün işləməyinə kömək edib həzmi asanlaşdırır. Böyrəklərin və öd kisəsinin problemsiz işləməsinə yardım edir. Böyrək daşını tökməyə kömək edir.(1 ədəd orta şaftalı = 42 kalori)

Ərik qan bərpaedicidir, qan azlığına xeyirlidir. Gözəl bir cild və saç üçün yaxşı təsiri var. Xüsusilə ağciyər xərçənginin qarşısının alınmasına kömək edir. Ürək xəstəliklərinə xeyirlidir. Sümük əyilməsinin qarşısını alır. Əsəbləri sakitləşdirir, yuxu gətiricidir. Qəbzlik üçün və həzm sistemində problem yaşayanlar üçün faydalıdır. Səhərlər ac qarına yeyilən ərik qurusu (qaysı) həzm baxımından faydalı olmaqla yanaşı cildə də canlı rəng verir. (1 ədəd ərik = 15 kalori)

Əncir bağırsaqları hərəkətə gətirir. Enerji verir. Cinsəl gücə yardım edir. Yüksək qan təzyiqini azaldır. Sümük möhkəmliyini artırır. (1 ədəd orta əncir = 37 kalori)

Ananas bakteriya və parazitlərlə mübarizədə faydalıdır. Həzmi asanlaşdırır. İltihablanma riskini azaltmaqda və yaraların tezliklə sağalmasında təsirlidir. (1 qalın dilim ananas = 43 kalori)

Alma qanı və böyrəkləri təmizləyir. Cildə parlaqlıq və gözəllik verir. Soyuqdəyməyə və öskürəyə xeyirlidir. Xolseterolu azaldır. Həzm sistemindəki narahatlığa kömək edir. Baş ağrısına xeyirlidir. Yüksək təzyiqi salır. Qandakı şəkəri nəzarətdə saxlayır. Revmatizmaya kömək edir. Yuxusuzluğa xeyrlidir. Bağırsaqlardakı qurdların tökülməsinə kömək edir. (1 ədəd balaca alma = 63 kalori)

Kivi C vitamini mənbəyidir, bir ədəd kividə bir günlük alınması lazım olan C vitamini ehtiyacından daha çoxu var. Qandakı şəkərin nəzarətdə saxlanması üçün yararlıdır. Xərçəngin yaranmasına mane olur. Qan təmizləyici xüsusiyyəti ilə qan laxtalanması riskini azaldır və qandakı yağ miqdarını aşağı salır. (1 ədəd kivi = 46 kalori)

Banan ürəyə və əzələ sisteminə yararlıdır. Yorğunluğu aradan qaldırır. Yüksək təzyiqin qarşısını alır. Yuxunu rejimə salır. Mədə xorasının qarşısını alır və onların müalicəsinə kömək edir. Xolesterolu azaldır, mədə ağrısına faydalıdır. Böyrək iltihablarını müalicə etmək kimi özəlliyə sahibdir. (1 ədəd banan = 105 kalori)

Albalı şəkər nisbəti gilasdan aşağı olduğu üçün daha az kalorilidir. Qızdırmanı salır, susuzluğu yatırır. Tünd rəngli albalı açıq rəngli olanlara nisbətən daha çox mineral tərkiblidir. (100 gr. albal ı= 50 kalori)

Qreyfurt soyuqdəyməyə xeyirlidir. Həzmi asanlaşdırır. Dişin ətinin qanamasını azaldır. Xırda damarlardakı qan dövranını sürətləndirir. Mədə xərçənginə tutulmaq riskini azaldır. Təzyiqi normaya salır. Böyrəkdaşı sökücü özəlliyi vardır. Yağlı yeməkdən sonra içilən qreyfurt suyu yediklərinizin ağırlığını aradan qaldırır.

Portağal soyuqdəyməyə və qripə yardım edir. Tərkibindəki C vitamini və turşular sayəsində öskürəyi azaldır. Ürək xəstəliklərindən və iflicdən qoruyur. Bədənin əzik və göyərmiş yerlərinin daha tez sağalmasına kömək edir. Mədə xərçənginin qarşısını alır. Təzyiqi normaya salır. İçindəki minerallar cildin quruyub, qırışmasının qarşısını alır. Bağırsaq qazını təmizlər, bağırsaq qurdunun tökülməsinə xeyirlidir. Qaraciyərin davamlı və düzgün işləməsini tənzimləyir. Öd sekresiyasını artırır. (1 ədəd portağal = 60 kalori)

Çiyələk stressi azaldır, sakitləşdirici təsiri var. Siqaret tüstüsün pis təsirini azaldır. Siqaret çəkilən otaqda olanda gün ərzində ağıza, ən az, 2 çiyələk atılması məsləhətdir. Uşaq iflici və ağız-dəri yaralarına yol açan virusları öldürür. Xərçəngə tutulma riskini azaldır. Mədə və bağırsaq ağrılarını aradan qaldırır. Öd kisəsi xəstəliklərinə xeyirlidir. Yüksək qızdırmanı salır. Diş və diş ətini möhkəmləndirir, dişdə karieslərin yaranmasının qarşısını alır. Dərini təravətləndirir. (100 gr. Çiyələk = 30 kalori)

Armud tərkibində ürək-damar sağlamlığnı qoruyan, aşağı qan təzyiqini normaya salan və fiziki performansa xeyirli olan vitaminlər var. Böyrəklərində problem yaşayanlar üçün də faydalıdır. Qan azlığına və qəbizliyə yaxşı təsir göstərir. (1 ədəd kiçik armud = 82 kalori)

Yemiş qanı təmizləyir. Zərərli maddələrdən qoruma xüsusiyyəti var. Yuxusuzluğu aradan qaldırır. Bağırsaq və dəri xərçənginə qarşı Amerikan Xərçəng xəstəliyi Birliyi tərəfindən tövsiyə edilib. (100 gr. yemiş = 26 kalori)

Sadaladığımız meyvələr sağlamlığımıza faydalı olduğu kimi, eyni zamanda insanı gəncləşdirir və dərini daha da gözəlləşdirir.

Xəbər lenti

DAHA ÇOX XƏBƏR