Tabloid.az

150 minlik “Gallenvagen” sürən müğənni ceyran aldı - Fotolar

1 Sentyabr 2014 12:38

“Əlimə pul gələn kimi timsah da alacağam”

Mərhum ifaçı Vidadi Bərdəlinin qızı Aytac Vidadiqızından xəbər var.

Tabloid.az xəbər verir ki, atasının yolunu davam etdirən gənc müğənni özünə 5 min manata ceyran alıb.

Daha əvvəl də özünə 150 min manatlıq “Gallenvagen” markalı “90 VA 111” dövlət seriyalı maşın alan müğənni deyir ki, pul xərcləmək məsələsində heç də xəsislik etmir:

“Ümumiyyətlə mən, ürəyim istəyəni mütləq əldə edirəm. Ceyranı xarici ölkədən sifarişlə gətirtmişəm. Hazırda bağ evində qalıram deyə onu da orada saxlayıram. Heyvanlara olan sevgim sonsuzdur. Yaxınlarım deyir ki, bağı yavaş-yavaş heyvanxanaya çevirirsən. Bəlkə çoxlarına qəribə gələcək, amma əlimə bir az pul gəlsin, özümə timsah da alacağam”.

Xatırladaq ki, Aytac Vidadiqızı mərhum müğənni Vidadi Bərdəlinin qızıdır. Vidadi Bərdəli 2012-ci ilin noyabrında 53 yaşında ürək tutmasından vəfat edib.