• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Kartoflu pizza – Resept

Kartoflu pizza – Resept

Tabloid.az çox dadlı, fərqli kartof pizzasının reseptini təqdim edir:

2-4 porsiya üçün inqrediyentlər:

700 qram soyulmuş kartof

2 yumurta

2 xörək qaşığı

3-4 diş sarımsaq

Duz, istiot

3 xörək qaşığı xama + 1 çay qaşığı tünd xardal

200-250 qram hisə verilmiş kolbasa

2 orta baş soğan

1 şirin bibər

150 çerri pomidor

170 qram pendir, zövqünüzə görə 100 qram mosorella, 70 qram holland pendiri seçə bilərsiniz

Bir dəstə göy soğan

Hazırlanması:

Soğanı halqa şəklində doğrayın. Bir qədər qızardın. Eyni formada doğranmış bibəri əlavə edib bir neçə dəqiqə qızardın. Kolbasanı da əlavə edib daha bir neçə dəqiqə qızardın.

Kartofu rəndələyin, əzilmiş sarımsağı, yumurtanı, unu, duzu, istiotu əlavə edib yaxşıca qarışdırırıq. Kütlənin yarısını tavaya töküb 2 xörək qaşığı bitki yağında 5 dəqiqə qızardın. Sonra səliqə ilə çevirib ikinci tərəfini də qızardın.

Kartof təbəqəsinin üzərinə xamalı-xardallı sousu çəkin, hazırladığınız için yarısını və ikiyə bölünmüş pomidoru, göy soğanı üzərinə səpin.

Rəndələnmiş pendiri də tökdükdən sonra tavanın qapağı bağlayın, qazın atəşini lap azaldın.

Eyni ardıcıllıqla ikinci təbəqəni hazırlayın.

Nuş olsun!

Xəbər lenti

DAHA ÇOX XƏBƏR