Tabloid.az
Süleyman Ələsgərovun yubiley gecəsi keçirildi
Fevralın 22-də Heydər Əliyev Sarayında Mədəniyyət və
Turizm Nazirliyinin təşkilatçılığı ilə görkəmli bəstəkar, tanınmış
ictimai xadim, xalq artisti, Azərbaycan Respublikasının Dövlət
mükafatı laureatı, professor Süleyman Ələsgərovun 90 illik yubiley
gecəsi keçirilib.
Tədbirin iştirakçıları əvvəlcə sarayın foyesində görkəmli
bəstəkarın həyat və fəaliyyətini əks etdirən fotosərgi ilə tanış
olmuşlar.
Yubiley gecəsində Süleyman Ələsgərovun həyat və fəaliyyətindən
geniş söhbət açılmış, boya-başa çatdığı gözəl Şuşanın mədəni
mühitini, görkəmli bəstəkara həsr olunmuş ədəbi-musiqili
kompozisiya və videosüjetlər nümayiş etdirilmişdir.
Bildirilmişdir ki, Süleyman Ələsgərovun dünyaya göz açdığı
Şuşanın musiqi mühiti uşaqlıqdan onda sənətə maraq oyatmışdır.
Şəhərdə musiqi texnikumu açılanda isə balaca Süleyman sevincindən
yerə-göyə sığmırdı. O, həm musiqi, həm də pedaqoji texnikumlarda,
daha sonra isə Azərbaycan Dövlət Konservatoriyasında təhsil
almışdır.
Diqqətə çatdırılmışdır ki, Böyük Vətən müharibəsi illərində
digər bəstəkarlar kimi, gənc Süleyman Ələsgərov da əsgərləri
ruhlandırmaq üçün mahnılar bəstələmişdir. Onun məşhur “Gözlə məni”
romansı ilk dəfə böyük müğənni Bülbülün ifasında səslənmişdir. Bu
romansdan sonda dahi Üzeyir Hacıbəyli tələbəsi Süleyman Ələsgərovun
yaradıcılığına xüsusi diqqət yetirmişdi.
Süleyman Ələsgərov müxtəlif vaxtlarda Bakı orta ixtisas musiqi
məktəbinin müəllimi, direktoru, Azərbaycan SSR Kinematoqrafiya
Komitəsinin nəzdində orkestrin, Müslüm Maqomayev adına Azərbaycan
Dövlət Filarmoniyasının mahnı və rəqs ansamblının bədii rəhbəri,
Azərbaycan SSR Mədəniyyət Nazirliyinin incəsənət idarəsinin rəisi
vəzifələrində çalışmış, Üzeyir Hacıbəyli adına Azərbaycan Dövlət
Konservatoriyasında (indiki Bakı Musiqi Akademiyası) pedaqoji
fəaliyyətlə məşğul olmuşdur. Süleyman Ələsgərov, həmçinin
Azərbaycan Dövlət xalq çalğı alətləri orkestrinin dirijoru,
Respublika Televiziya və Radio Komitəsinin bədii rəhbəri, Şıxəli
Qurbanov adına Azərbaycan Dövlət Musiqili Komediya Teatrının
(indiki Azərbaycan Dövlət Musiqili Teatrı) direktoru və baş
dirijoru, Azərbaycan SSR Maarif Nazirliyinin musiqi estetik
tərbiyəsi üzrə tədris metodiki şurasının rəhbəri və digər
vəzifələrdə işləmiş, 1991-ci ildən ömrünün sonunadək
konservatoriyanın Şuşa filialının rektoru olmuşdur.
Süleyman Ələsgərovun yaradıcılığı Azərbaycan professional musiqi
tarixinin parlaq səhifələrindən biridir. Onun zəngin yaradıcılığı
Azərbaycan professional musiqisinin demək olar ki, bütün janrlarını
əhatə etmişdir.
Mərasimdə Azərbaycan Dövlət xalq çalğı alətləri orkestrinin
müşaiəti ilə incəsənət ustalarının, eləcə də Azərbaycan Dövlət
fortepiano triosunun ifasında bəstəkarın “Gözəl Şuşa”, “Gözlə məni”
və digər əsərləri səsləndirilmişdir.
baku-art.az
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ
-
İnanc28 Mart 21:24
Ramazanın 19-cu gününün duası - İmsak və iftar vaxtı
-
Sosial28 Mart 20:24
Şahmar Hüseynova yeni VƏZİFƏ VERİLDİ - FOTO