• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Makiyajınızı zənginləşdirməkdən qorxmayın - Fotolar

Makiyajınızı zənginləşdirməkdən qorxmayın - Fotolar

İllərdir eyni məhsullarla makiyaj edirsiniz? O halda makiyaj stilini zənginləşdirməyin vaxtı gəldi!

Hər zaman eyni şəkildə makiyaj etmək sıxıcı görünür. Həm də özünü təkrar edən görünüşə sahib olmağımıza səbəb olur.

Gözəl üz cizgilərinizi vurğulayın və makiyaj stilinizə bir az əyləncə qatın! Tabloid.az qadınlara makiyajı zənginləşdirən şparqalkalar təqdim edir:

Makiyajı zənginləşdirməyin ən gözəl yollarından biri də göz makiyajına parıltı əlavə etməkdir. Simli layner istifadə edə, ya da baş barmağınızı zərli göz kölgəsinə batırıb daha sonra gözlərə çəkə bilərsiniz.

Makiyaj stilini zənginləşdirmək və stil sahibi makiyajını tətbiq etmək istəyirsinizsə, metal rəngli göz kölgəsi ilə dumanlı göz makiyajını mütləq yoxlamalısınız.

Ya da fırçanı metal göz kölgəsinə batırıb kirpik diblərindən göz qabaqlarına qədər çəkin. Gözləri daha mənalı göstərmək üçün kirpik diblərinə qələm də çəkə bilərsiniz.

Dodaqların öz rəngini vurğulayın! Gözəl dodaqlarınızı pomada ilə örtmək əvəzinə, dodaq quruluşunu vurğulayın. Dodaq rəngindən bir-iki ton tünd dodaq parladıcısı, ya da qatı dodaq boyasından istifadə edərək dodaqlarda təbii və cazibədar görünüş yaradın.

Pişik gözü makiyajı hələ uzun zaman populyar olmağa davam edəcək. Bu səbəbdən makiyaj çantanızdan göz qələmini laynerlə əvəz edin və pişik göz makiyajını sınaqdan keçirin. Başlanğıcda bu makiyajı çəkməyə çətinlik çəksəniz də, gözlərinizi nə qədər gözəl göstərdiyini hiss etdikdən sonra heç vaxt vaz keçə bilməyəcəksiniz. Layner fırçası ilə kirpik diblərindən bir xətt çəkin və kirpiyin bitdiyi yerdən qaşa doğru qaldırın.

Göz qapağının iç hissəsinə ağ qələm çəkin. Bu üsul gözlərinizi ortaya çıxardacaq və olduğundan böyük görünməsini təmin edəcək. Suya davamlı ağ göz qələmi istifadə edərək alt göz qapağının iç hissəsinə bir neçə dəfə çəkin. Ağ rəngin özünü yaxşıca bəlli etdiyindən əmin olun.

Kölgəli dodaq makiyajı adi pomada görünüşünə qarşı yaxşı alternativ yaradır. Bunun üçün arzuladığınız rəngləri birləşdirərək kölgəli dodaq makiyajı çəkin. Dodaqların orta və iç hissəsini daha açıq, kənarları isə tünd rənglərə boyaya bilərsiniz.

Paltarlarda neon rəngləri işlətməkdən çəkinməsəniz də, üzünüzdə bunu həyata keçirmək üçün zamana ehtiyac duya bilərsiniz. Əlvan makiyaj etmək üçün düzgün rəngləri seçməli və az-az istifadə etməlisiniz. Neon rəngli layneri gözünüzün alt və ya da üst kirpiklərinə çəkə, ya da neon dodaq parıltısından çəkə bilərsiniz.

Xəbər lenti

DAHA ÇOX XƏBƏR