• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Ulvira: “İlqar Mikayıloğlunun kişilərə gücü çatmır, qadınlara söz atır” - Fotofakt

Ulvira: “İlqar Mikayıloğlunun kişilərə  gücü çatmır, qadınlara söz atır” - Fotofakt

ANS telekanalının keçmiş əməkdaşı İlqar Mikayıloğlu ilə ANS-in hazırkı əməkdaşı Ulvira Qarayeva arasında qalmaqal böyüyür. Qalmaqalın yaranmasına səbəb isə birincinin ikinciyə söz atması və onu alçaltması olub. Lakin xəbər bununla bitmir...

Başlayaq əvvəldən. Tabloid.az-ın əldə etdiyi eksklüziv xəbərə görə, Ulvira xanımın üzünun göyərdilməsi, bununla Azərbaycanda, xüsusilə, bölgələrdə qadınlara qarşı zorakılıq məsələsinə diqqəti artırması xanım aparıcının başına bəla olub. Ulvira xanım ailədaxili olmasa da, sosial şəbəkədə həmkarı İlqar Mikayıloğlunun zorakılığı ilə qarşılaşıb.

Məhz aparıcının üzü qrimli şəklinin altına eks ANS-çi “Ulviranın çox ucuz piarı” şərhini yazıb.

“Səni bura dəvət edən olub? Haydı, öz qapına” sözlərini xanım Qarayeva həmkarına cavab olaraq yazıb.

Məsələyə İlqar Mikayıloğlunun həyat yoldaşı, hüquqşünas Zülfiyyə Bayramova da münasibət bildirib. O, “Bu xəbəri oxumadım, çünki, naşı qrim olunub. Adətən o cür qançır üzdə olarsa, mütləq göz ətrafına yayılmalı və şişməli idi. Bu variant alınmadı” sözlərini əlavə edib.

Ulvira Qarayeva isə ümumiyyətlə Zülfiyyə Bayramovaya cavab verməyib. Və onun sözlərini saymazdan gəlib.

Hadisə deyəsən, bununla bitməyib. Hirsi soyumayan xanım aparıcı ad çəkməsə də ,həmkarına status həsr edib:

“Beləsinə nə deyəsən? Başın girməyən işə kasad mənliyini niyə soxursan ? Axı dedilər ki, get tapdığın yağlı qapıya!”

Məsələ ilə bağlı xanım aparıcının fikirlərini öyrəndik. Əvvəllər eyni telekanalda çalışan iki həmkar nəyi bölüşə bilmir?

Sualımızı Ulvira xanım belə cavablandırıb:

“Eyni şirkətdə çalışmışıq. Aramızda heç vaxt münaqişə, söz savaşı olmayıb. Salam-sağ ol münasibətimiz olub. Nə dost olmuşuq, nə də düşmən. Bu yazıdan sonra onu bloka atmışam. Heç mənim dostluğumda da olmayıb. Ona təəccüblənirəm ki, dostluğumda olmayan biri profilimi niyə eşir ? Durduğu yerdə mənə söz atır. Yəqin kişilərə söz ata bilmir. Gücü qadına çatır”, - deyə fikir bildirib.

Xəbər lenti

DAHA ÇOX XƏBƏR