Ayan: "Sevirəm və sevilirəm" - Fotolar
Bizi izləyin

Tabloid.az

Ayan: "Sevirəm və sevilirəm" - Fotolar

Ötən həftə “Səndən sonra” adlı yeni mahnısını təqdim edən gənc müğənni Ayan Babakişiyeva tabloid.az-a şəxsi həyatı haqqında açıqlama verib.

Ötən həftə “Səndən sonra” adlı yeni mahnısını təqdim edən gənc müğənni Ayan Babakişiyeva tabloid.az-a şəxsi həyatı haqqında açıqlama verib. Qeyd edək ki, bu ilin martında ana olan Ayan körpəyə Selena adını qoyub.

Müğənni ilə maraqlı müsahibəni təqdim edirik.

- Ayan, gənc və gözəlsiniz. Bu cür xanımlar isə daim əks cinsin nümayəndələrinin diqqətində olurlar. Həyatınızda kimsə var?

- Mən sevgiyə çox hörmətlə yanaşan bir insanam. Niyə də olmasın?! Sevirəm də, sevilirəm də. Həyatımda hər şey gözəldir.

- Münasibətiniz ciddidir?

- (Gülür) Bu barədə çox danışmaq istəmirəm. Bircə onu deyə bilərəm ki, çox xoşbəxtəm. Toy olub, olmayacağını isə sonra danışarıq.

- Ayan, daim formadasınız. Buna necə nail olursunuz?

- İnanın çox çətinliklə! Mən yeməyi çox sevdiyimdən mənə çətindir. Sevdiyim yeməklər isə xəngəl, dovğa, dolma, xaş... (gülür) Bu yeməkləri sevsəm də, daim formada qalmaq üçün yemirəm. Çox vaxt baxmaqla kifayətlənirəm.

- İdmanla məşğul olursunuz?

- Yenicə ana olduğumdan hələ idmanla məşğul ola bilmərəm. Bu səbəbdən idman etmirəm. Amma pəhriz saxlayıram. Təkcə pəhrizlə formada qalanda istədiyin nəticəni almaq çətindir. 3-4 aydan sonra mütəmadi olaraq idman məşqlərimə də start verəcəyəm.

- Çox baxımlısınız. Bu qədər baxımlı görünmək üçün nə qədər xərciniz çıxır?

- Bu, mənim yaralı yerimdir. Qarderobum doludur. Amma yenə də deyirəm ki, geyinməyə heç nəyim yoxdur. Çünki səhnə bizdən bir libası cəmi 1 dəfə geyinməyimizi tələb edir. Bir libası ən çoxu 2-3 dəfə geyinə bilirsən. Ondan sonra istəsən də alınmır. Mən özüm isə alış-veriş, geyim xəstəsiyəm. Hər zaman çalışıram ki, qeyri adi libaslar geyimin və qeyri adi görünüm. Bu səbəbdən də çoxlu pul xərcləyirəm.

- Aylıq nə qədər xərciniz çıxır?

- Düzünü deyim, heç nə etməsən, ortalama 15 min manat xərcim çıxır. Mən bura alış-verişi daxil etmirəm. Əgər geyim alış-verişi və klip çəkilişi olsa, aylıq xərcim 25 min manatı keçir.

- Bu qədər paltarı nə etmək fikriniz var?

- Saysız-hesabsız geyimlərim var. Hamısı da çox bahalıdır. Onların qiymətinə bahalı maşın, hətta ev də almaq olar. Fikirləşirəm ki, geyinmədiyim paltarlarımı satıb ev alacağam (gülür).

Oxumağa davam et
Reklam
Reklam

Gündəm