Tabloid.az

Zəki Mürənlə Cüneyt Arkının çimərlikdə çəkilmiş fotosu

21 Noyabr 2014 12:30

Zəki Mürən pərəstişkarlarını sevindirən sərgi

İstanbulda mərhum sənətçi Zəki Mürənin xatirisəni yad etmək məqsədilə "Bu mənəm, Zəki Mürən" adlı sərgi açılıb. Sərgidə sənətçinin uşaqlığından ömrünün son günlərinə qədər hər addımını əks etdirən müxtəlif sənədlər, kostyumlar, aksessuarlar nümayiş olunur.

Sərgiyə hazırlıq düz 5 ay çəkib. Burada Zəki Mürən pərəstişkarları onun daha əvvəl heç yerdə görmədikləri fotoşəkillərini tapa bilərlər. Həmçinin sənətçiyə anasından gələn məktublar, özünün yazdığı şeirlər, müxtəlif qeydlər də sərgidə nümayiş olunan eksponatlar arasındadır.

Sərgidə ən çox diqqətçəkən detal isə Zəki Mürənlə Cüneyt Arkının birlikdə dəniz sahilində çəkdirdikləri fotoşəkil olub. İki məşhur ulduzun bu fotosu illər öncə Tarkanın çimərlikdə dostu ilə çəkilmiş fotosunu xatırladıb. Həmin şəkil yayımlandıqdan sonra meqastarın homoseksual olduğu iddia edilmişdi.

Qeyd edək ki, Zəki Mürənin sərgisi dekabrın 20-nə kimi açıq olacaq.

Tabloid.az