Tabloid.az

Yaşar Cəlilov ayağından əməliyyat olundu

22 Noyabr 2014 17:27

Müğənni Yaşar Cəlilov ayağından cərrahiyyə əməliyyatı olunub.

Tabloid.az xəbər verir ki, həkim müdaxiləsi Elmi -Tədqiqat Travmatologiya və Ortopediya İnstitutunun xəstəxanasında edilib. Müğənni bildirib ki, hazırda özünü yaxşı hiss edir:

“Yaydan bəri ayağımda narahatlıq hiss edirdim, rahat yeriyə bilmirdim, ayağımı yerə çətinliklə basırdım. Ağrı get-gedə şiddətlənirdi. Amma fikir vermirdim. Son vaxtlar isə demək olar ki, addım atmağım çətinləşdi. Həkimə müraciət etdim. Müayinədən sonra ayağımın iltihab etdiyi ortaya çıxdı. Dərhal cərrahi müdaxilə edildi. Sən demə, nə vaxtsa ayağıma taxta tilişkəsi girib, mən də fikir vermədikcə ciddi ağrılara və iltihaba səbəb olub. Əməliyyat uğurla keçdi. Bir neçə tikiş qoyuldu”.